بسنت السبقي : كنت مخطوبة لتامر حسني وكان رافض تماما إني أشتغل في الإعلام وهو اللى خلاني أسيبه

حلت الفنانة بسنت السبقي، ضيفة في برنامج “فيس أوف”، الذي تقدمه سارة نخلة، والمذاع عبر قناة “هي”، وكشفت عن تفاصيل بحياتها الشخصية والفنية.

قالت الفنانة بسنت السبقي: “أنا كنت موديل إعلانات، وبعدين بقيت مذيعة أخبار وبعدين ممثلة، بس الهواية عندي تمثيل”.
وتابعت بسنت السبقي”: “ابتعدت شوية عن التمثيل وتقديم نشرات الأخبار، ثم عدت كممثلة من خلال مسلسل اَدم، وسبب الابتعاد لإني كنت مخطوبة وكان خطيبي رافض تماما إني أشتغل في الميديا.. كنت ساعتها مراسلة ومذيعة فوافقت على رأيه ومكملتش في الشغل، بس عمري ما هعمل كده تاني”.
واوضحت الفنانة بسنت السبقي: “أنا كنت مخطوبة للفنان تامر حسني وهو اللى خلاني أسيب الميديا في بداية حياتي المهنية، الموضوع ده كان من زمان وانتهى.. بس إحنا أصدقاء جدا، واشتغلت معاه في مسلسل اَدم، مكنش له رغبة اشتغل.. مبيحبش إن حد يضايقني أو يزعق لي”.
وأكدت الفنانة بسنت السبقي: “انفصلت عن تامر حسني في هدوء، وبدون مشاكل بدليل إني بعدها اشتغلت معاه في مسلسل اَدم، وهو بني اَدم محترم”.
واضافت بسنت السبقي: “السبكي وعدني أكون نجمة أفلامه القادمة، بس مش عارفة ليه منفذش وعده لحد دلوقتي ليه؟!، ووقعت معاه عقد بس حصل ما بينا خلاف مش عايزة أقوله”.