بوسي: المرض النفسي زي اي مرض و أكيد نفسي أروح لدكتور نفسي ولكن مفيش حد تثقي فيه

حلت المطربة بوسي ضيفة في برنامج حبر سري الذي تقدمه الإعلامية أسما إبراهيم والمذاع عبر قناة القاهرة والناس، وكشفت عن تفاصيل بحياتها الشخصية.
حيث تحدثت المطربة بوسي عن حقيقة منعها لطليقها لرؤية ابنها، قائلة: «مش مانعة طليقي يشوف ابنه بالقوة، وهو مش بيشوفه عشان لم يسعى لده، وهو بيقول للناس أني مانعاه ولكن عمري ما أمنع ابني يشوف أبوه وابني مطلبش يشوف أبوه ولا أبوه طلب».
وتابعت المطربة بوسي: «مش بيصرف عليه، وأنا اللي متكفله به من يوم ما أتولد حتى الأن».
كما أكدت المطربة بوسي علي عدم ذهابها لدكتور نفسي، قائلة: «المرض النفسي زي أي مرض، وكلنا جوانا حاجات محتاجة دكتور نفسي، وأكيد نفسي أروح لدكتور نفسي، ولكن الدكاترة قليل لما تلاقي حد تثق فيه، لكن عمري ما رحت لطبيب نفسي».