مصطفى كامل: اللي هيفكر إنه داخل معايا يعمل أي مصالح.. ورب الكعبة هخرجه بفضيحة

أكد الفنان مصطفى كامل، نقيب المهن الموسيقية، علي أنه لن يسمح بوجود أي فساد في نقابة الموسيقيين خلال فترة توليه المنصب، وجاء ذلك خلال المؤتمر الصحفي الذي أقيم أمس الثلاثاء، بشأن تفاصيل انتخابات نقابة الموسيقيين المقرر إجرائها في بداية شهر أغسطس المقبل.
وقال مصطفى كامل: إن شاء الله نجتمع على خير وإن شاء الله الـ 12 زميل يشتغلوا بقوة الـ 32 زميل المرشحين وإن شاء الله بدءً من المرشح رقم 13 وحتى 24، يفضل الأمل جوه نفسه طالما يعلم إن فيه حد دون مستوى مش موجود.
وتابع نقيب المهن الموسيقية: أنا استحملت كتير الـ 8 شهور اللي فاتوا دول عبرنا جسرنا، كنت بحتوي كل حاجة، ومَن تحدث عن أي سلبيات بقوله سامحني لو كان فيه قصور في فترتي لو كان فيه غفلة مني لأني في الآخر عبد، وأمام الله أنا لم ادخر جهد دقيقة في حياتي على مدى الفترة اللي دخلت فيها من 11/10 لحد الليلة دي، والحمد لله يقعدلي في صحة ولادي ما قدمته في الـ 8 شهور اللي فاتوا.
وأكمل مصطفى كامل: احنا عندنا فترة تنازلات الأسبوع الجاي أي حد في نيته يعمل حاجة كده ولا كده، فيه فترة التنازلات من يوم الأحد ليوم التلات الجاي، أقسم بالله بقوله قصر على نفسك معايا واكتفي بإنك تتنازل عن المكان للشرفاء؛ لأنك هتخرج من معايا بشكل مش حلو، اللي هيفكر إنه داخل معايا يعمل أي مصالح هيخرج بميراث سيئ لعيلته وأنا بقولها قدام الجميع، مش بس هنقوله يلا مع السلامة ونلمها، أنا عرفت إن كان فيه قضايا فساد بتتلم في الخفاء.
وواصل مصطفى كامل: ونجيبه ونقطع الإيصال ومعلش مش هيحصل كده ومش هنطلع عشان الجرائد ورب الكعبة لأعلن، أولًا هعلن على صفحتي وعلى موقع النقابة لما يتفعل وقدام الإعلام، اللي ناوي على كده هيخرج لابن ابنه يفضل يحكي الحكاية.
واضاف مصطفى كامل: اللي هيقعد معايا فاسد شهر مش هيكمل شهر ويوم، مفيش فاسد هيكمل معايا بعد يتجاب بفساده، واللي مش هيحترم المقعد ده ملوش مكان بينا.