تامر أمين: الحمد لله على نعمة الأهلي.. لما بيكسب بيخلي كل حاجة طعمها حلو بينسّي الهموم والديون

احتفل الإعلامي تامر أمين بفوز النادي الأهلي ببطولة دوري أبطال أفريقيا للمرة الحادية عشرة في تاريخه، قائلا: الأهلي لما بيكسب بيخلي كل حاجة طعمها حلو وشكلها حلو، بينسّي الهموم، وبينسّي الديون وبينسّي كل حاجة، كل مشجع أهلاوي عنده نعمة تُسمى النادي الأهلي، ماليه عليه كل حياته

وتابع خلال تقديمه برنامج «آخر النهار» عبر فضائية «النهار»، اليوم الثلاثاء: «الحمد لله على نعمة الأهلي، الأهلي نعمة في حياة كل أهلاوي لأنه مالي علينا دنيتنا، أنا تقريبًا كل 3 أيام عندنا ماتش حاسم أو بطولة أو منافسة، مشغول طول الوقت، وعندي أحداث مهمة ومصيرية كل يومين تلاتة».

وأشار إلى أن فوز النادي الأهلي أسعد الملايين من المواطنين في مصر، متابعًا: «بقالنا يومين مش بنام من الفرحة بالفوز بالحادية عشرة».