ياسمين عز تنصح السيدات: اللي متجوزتش في بيت حماتها الفرح والهنا فاتها

كشفت الإعلامية ياسمين عز، إن في ظل الأزمات الإقتصادية الحالية ظهرت دعوات علي مواقع التواصل الاجتماعي، للعودة لزواج الشباب في بيوت العائلات كما كان في السابق، وذلك للتخفيف علي الشباب المقبلين علي الزواج.
وقالت ياسمين عز خلال برنامجها “كلام الناس” المذاع علي قناة إم بي سي مصر: أنها من أنصار هذه الفكرة وتري أنها من أفضل الحلول بل تكاد أن تكون أفضل حل لأزمة الزواج في الوقت الحالي وعدم قدرة شراء شقق سكنية في هذه الفترة، موضحة أن هذه الظاهرة ستحد من نسب الطلاق.
وتابعت ياسمين عز: ” الست اللي متجوزتش في بيت عيلة جوزها هتفضل طول عمرها لاويه بوزها .. واللي متجوزتش في بيت حماتها الفرح والهنا فاتها”.
واكملت الإعلامية ياسمين عز: “مبدئيًا جوزك مش هيحس معاكي بالغربة، لأنه هيكون في البيت اللي اتربى وعاش فيه من وهو صغير، ورهبة إنه يكون معاكي في بيت جديد مش هتبقى موجودة “.
وواصلت: «هتكوني عايشة في بيت الخبرة، اللي فيه الأب والأم، واللي ممكن تاخدي نصايحك منهم، مش هيخدعوكي أو يضروكي لأنك مرات ابنهم، وفي مقام بنتهم».
واضافت ياسمين عز: “إيه المشكلة لما تتجوزي وتعيشي مع حماتك وإخوات جوزك الغزلان في نفس البيت، ولو وحشك مج النسكافيه بتاعك خديه معاكي”.