مفيش ست تقول للراجل أنا بشتغل زيي زيك”.. الفنان مصطفى حشيش يكشف عن رأيه في عمل المرأة

تحدث الفنان مصطفى حشيش عن رأيه في عمل المرأة، مؤكداً أنه لا يفضل خروج السيدات إلي العمل، وذلك خلال استضافته في برنامج كلام الناس الذي تقدمه الإعلامية ياسمين عز والمذاع عبر قناة MBC مصر.
حيث قال الفنان مصطفى حشيش: لو الست مش مضطرة إنها تنزل الشغل متشتغلش لأن نسبة البطالة عندنا عالية والشباب ماليين الشوارع وعندنا ستات موظفات مدام مديحة اللي في الرابع لو قعدناهم في البيت ونص مرتبهم يضاف على مرتب جوزهم اللي شغال في وظيفة تانية فهندي فرصة للشباب يشتغلوا ومفيش ست تقول للراجل أنا بشتغل زيي زيك.
وتابع مصطفى حشيش : البنت لو باباها مكفيها متشتغلش لحد ما تتجوز ولو جوزها كفاها متشتغلش خالص، ولو الست شغالة ورفضت تساهم في مصاريف البيت الراجل المفروض يجبرها على إنها تبطل شغل.
وكما كشف الفنان مصطفى حشيش عن رفضه دخول ابنته المجال الفني، قائلا : أنا شايف الفنانين بيتعبوا ازاي غير كدة ازاي واحدة تسيب بيتها بالـ 20 ساعة عشان بتصور، الموضوع صعب ومينفعش مع احترامي للزملاء الفنانين.