مدبولي: ما تحقق من مشروعات في 4 سنوات كان من الممكن أن يستغرق من 10 لـ 15 عامًا

صرح الدكتور مصطفى مدبولي، رئيس مجلس الوزراء، إن الإنجازات حدثت في الإسكندرية خلال الفترة الماضية، نفتخر به جميعا أنه تحقق في 3 أو 4 سنوات فقط، تلك المشروعات بالمقاييس الطبيعية كان من الممكن أن يستغرق من 10 لـ 15 عامًا.

وقال الدكتور مصطفى مدبولي، رئيس الوزراء خلال مؤتمر صحفي اليوم السبت: “بس عملنا جهود جبارة عشان نعوض الفترة اللي منطلقتش فيها مصر في هذه النوعية من المشروعات اللي فعلا كل هذه المشروعات النهاردة بتوفر فرص عمل وفرص تجارية بينية، وتعظيم قدرات مصر، عشان تبقى مركز إقليمي وعالمي على مستوى العالم في هذه النوعية من التجارة الكبيرة للغاية”.

وتابع رئيس الوزراء: “زي ما حضراتكم شايفين حجم الصادرات نقدر نقول إننا نصدر بكميات أكبر في هذه النوعية من المواني، وده جزء من الأجزاء المهمة جدا ان يبقى عندنا أكبر الشركات العالمية تبقى موجودة معانا وهي اللي بتدير وتشغل كل هذه النوعية من البنية الأساسية الضخمة اللي احنا بنعملها”.

وواصل: “الموضوع مش تحدي فقط اننا نعمل البنية الأساسية ولكن نضمن انها تفضل شغالة ومصانة على أعلى مستوى وطبقا للمواصفات العالمية وهو عشان كده أهمية وجود شركات عالمية تشتغل معانا انها تبقى موجودة تضمن لنا التشغيل الكفئ والكامل لهذه المحطات”.

واضاف رئيس الوزراء: “الأهم اننا نتعلم ونكتسب خبرات منهم وده أعتقد أن ده التوجه اللي النهاردة الحمد لله بنتحرك فيه وان شاء الله الفترة القادمة يبقى فيه المزيد من الأرصفة والموانئ المصرية أنها تبقى بهذا الشكل وبشكر حضراتكم جميعًا”.