تامر أمين: كل فيديو بنتي بتعمله على تيك توك لازم يعدي عليا الأول ولا تجرؤ تعمل حاجة غلط

حل الإعلامي تامر أمين، ضيفا في برنامج “العرافة”، الذي تقدمه الإعلامية بسمة وهبة والمذاع عبر قناة “النهار”، وكشف عن تفاصيل تربيته لبناته.

قال الإعلامي تامر أمين: “بنتى متقدرش تعمل حاجة غلط ولا تجرؤ علي فعل ذلك، واللبس اللى ظهرت به علي البحر واتنشر علي التيك توك كان لبس محترم مش كاش مايوه”.

وتابع تامر أمين: “بنتي لو كحت تبقى عظيمة، لاني بعتبرها مؤثرة عظيمة علي التيك توك، ومستحيل تظهر وهي لابسة كاش مايوه”.

وأكمل تامر أمين:”امنع بناتي إنهم يلبسوا مايوه أو كاش مايوه علي البحر، يعني بيروحوا البحر ومبينزلوش البحر علشان مينفعش حد يشوف جسمهم، حرام حد يشوف جسم بناتي”.

واضاف تامر أمين: “ولكن أنا مش عايز امنعهم من الانبساط يروحوا للبحر بلبس لائق ويقعدوا علي الرمل وياكلوا حاجة حلوة ويشربوا حاجة ساقعة إنما ينزلوا البحر بالمايوه ده حرام هما يحاسبوا وأنا أحاسب وهما متقلبين ده ومقتنعين والكلام ده مش وليد النهارده ولكن من 10 سنين فاتوا، وهما اتربوا من وهما صغيرين الصح والغلط”.