مرتضى منصور: كانو عاوزني أقول إن زعل الخطيب على رأسي.. ده لو رأسي اتقطعت مش هقولها

تحدث المستشار مرتضى منصور، رئيس نادي الزمالك عن خلافه مع محمود الخطيب رئيس النادي الأهلي،وذلك خلال لقائه مع مسئولي صفحات سوشيال ميديا الزمالك داخل مقر القلعة البيضاء

وقال مرتضى منصور: حصل قبل كده 3 مرات إن رئيس الأهلي شال رئيس الزمالك وجاب رئيس على مزاجه.

وتابع مرتضى منصور: كانو عاوزني أقول إن زعل الخطيب على رأسي، ده لو رأسي اتقطعت مش هقولها، ولو كنت قدمت الاعتذار المهين للخطيب، كان جمهور الزمالك هيمشي رأسه في الأرض 100 سنة.

وأكمل رئيس نادي الزمالك: اتخانقت مع اتحاد الكرة ورابطة الأندية والحكام وطوب الأرض عشان الزمالك، وطاهر أبو زيد حل مجلس الأهلي وروح تاني يوم ورجع المجلس.

وواصل مرتضى منصور: ناصر منسي بياخد 6 مليون جنيه.. انتو عاوزني أجيب لعيبة شُكك، شوفوا لعيبة الأهلي بتاخد كام.. و في 2020 عطلوا الـ VAR وقالوا القاضية ممكن، لا ده الظلم ممكن.

واضاف مرتضى منصور: خدنا 2 دوري وكأس واترفعت صور فيريرا في المدرجات واتشتم مرتضى.. واتحملنا.