“العين اليسرى حصلها ضمور”.. البلوجر سارة محمد تكشف عن تطورات حالتها الصحية

نشرت البلوجر سارة محمد مقطع فيديو جديد، تكشف فيه عن تطورات حالتها الصحية، وذلك عبر موقع التواصل الاجتماعي إنستجرام.

ظهرت البلوجر سارة محمد في مقطع فيديو برفقة البلوجر عمرو سنايبر، وقالت: «أنا طالعة أطمنكم عليا وأشكركم جدًا لدعمك ليا وللناس اللي بتدعيلي عند الكعبة.. دي أكتر حاجة بتسبب لي السعادة، أنا حابة اطمنكم عليا أتابع معاكم، أول حاجة حابة أقولها ليكوا إني الحمد لله راضية بكل حاجة أنا وصلتلها».

وتابعت سارة محمد: «أنا أه فقدت عيني بس عندي أمل إنه في يوم من الأيام إن أرجع أشوف.. لسه الأمل متقطعش عندي، أنا راضية حتى لو كل حاجة اتأخرت.. ان شاء الله ربنا يجعلني من الصابرين وأهل الجنة».

واكملت سارة محمد: «من يومين روحت القاهرة عملت أشعة على العصب البصري لـ عيني اليمين، لأن خلاص العين الشمال حصلها ضمور ومفيش فيها أمل».

واضافت البلوجر سارة محمد: «للأسف نتيجة الأشعة وضحت إن عصب العين ضعيف جدًا، بس أنا مزعلتش لما عرفت وقولت الحمد لله، وبردوا عندي امل في ربنا انه هيعوضني خير».