طبيب يشكو من العامر جروب: ” بدفع الاقساط علي وحدة في بورتو كروز العلمين .. وفوجئت أن المشروع بدون تراخيص”

تقدم الدكتور مهاب عاصم الكيلاني، اخصائي جراحة العظام، بشكوى من شركة العامر جروب للتطوير العقاري، وذلك عبر موقع التواصل الاجتماعي فيس بوك.

طبيب يشكو من العامر جروب

وقال الدكتور مهاب عاصم : أنا عايز ابلغ عن شركه عامر جروب او المطورون العرب مبقناش عارفين نسميها ايه .. انا اتعاقدت علي وحده في مشروع بورتو كروز العلمين من أغسطس ٢٠٢١ و بدفع الاقساط اللي عليا بالتزام و ربنا عالم انا بشتغل قد ايه عشان ادفع التزاماتي”.

وتابع: “فوجئت من شهرين أن المشروع ملوش تراخيص و بلغوني ان المشروع مش هيتعمل و لما قولت لهم خلاص استرد فلوسي رفضوا.. و بيماطلوا و عايزين يرجعواها لي بالتقسيط.. و الله اعلم سيادتك التقسيط ده هيبدأ أمتي و هياخد وقت قد ايه.. و لحد النهاردة بيماطلوا فيا و انا طبيب مفيش في المشاكل.. و لا عندي وقت ليها و كل اللي كنت عايزه مصيف صغير ليا و لاسرتي”.

ماانصحش حد بالتعامل معاهم.. شكوي أحد عملاء شركة العربي بسبب الإهمال

واضاف: انا طالب من الدولة تحميني و ترجعلي حقي من الناس اللي بتستحل تعبنا و فلوسنا.. و فاهمة ان مفيش حد يحاسبهم بس انا واثق.. أن مصر دولة قانون”.