عميل يشكو من مطعم “كرم الشام” الاكل بارد ومجلد والفراخ مبهدلة والمنظر غير الصور

تداول رواد مواقع التواصل الإجتماعي شكوى من أحد الأشخاص بعد شراء عرض كرم الشام والذي أختلف عن العرض الموجود على صفحة المطعم قائلا: المظاهر خداعة فعلا.

وتابع أنه طلب عرض كرم الشام الموجود على الصفحة الرسمية للمطعم قائلاً: طلبت النهاردة الساعة ١ بعد صلاة الجمعة أوردر (عرض كرم الكرم) ب ١٠٥ج، عبارة عن ربع فرخة شواية + قطعتين شاورما عربي + قطعة كرسبي + مخلل + بطاطس + تومية، العرض طلع خدعه اقسم بالله”.

وتابع: “والمصيبة الأكبر أن اللي بينزل على السوشيال ميديا كذب، واستلمت الاوردر الساعة ٢.٣٠”

وأضاف: “الاوردر طلع من غير المخلل تقريبا طمعوا فيه والحشو طبعا عينات”

وأكد أن الطعام كان سيء للغاية وغير مطهي جيداً حيث قال: “الأكل بارد ومجلد، الفراخ مبهدله والجلد مبهدل والمنظر غير الصور اللي بتنزل خالص حتى الطعم سيء، القطعة الكرسبى حرفيا سيئة جدا”.

وتابع أنه عند تقديم شكوى على الصفحة الرسمية لهم كان الرد: “بعتلهم على الصفحة بتاعتهم، الرد كان مفاجأة ان العرض بدون مخلل طبعا هما منزلين على السوشيال ميديا ان العرض شامل المخلل”.

وواصل أنه عندما أكد أن الطعام كان لتصوير إعلان حاولت إدارة المطعم إصلاح الخطأ: “لما قولتلهم أن الاوردر جى لتصوير إعلان في ثانية اتصلوا واهتموا وأزاي نرضي حضرتك وكده عشان التقييمات”.

وأكد رفضه التعويض قائلاً: انا رفضت التعويض لإنهم بيقترحوا عليا ايه اللي يرضينى طبعا ده عشان قولت إن الأكل للإعلان لكن غير كده ولا حد هيتحرك، والتعويض ايه مثلا يعنى بعد ما طلعت أوردر بالمنظر دا”.