تامر أمين يهاجم مرتضى منصور: أنا عارف إني هطلع على المسرح النهارده بالليل

وأضاف: «فترة القيد الشتوي تبدأ من 1 يناير إلى 31 يناير، شهر طويل عريض، نادي الزمالك سايب الشهر كله ورايح قبل غلق باب القيد بربع ساعة وعايز يقيد صفقاته دلوقتي».

وتابع: «الزمالك عليه مديونية، واللائحة بتقول إنه لازم يدفعها أو جزء منها عشان يقيد لاعبيه، الزمالك رد وقال معييش فلوس دلوقتي بس قيد اللعبية، هو كده بلطجة».

جلسة بين مرتضى منصور ووزير الشباب والرياضة لحل أزمة القيد

وأكمل: «إيه اللي صبر مجلس مجلس إدارة الزمالك كل الوقت ده، وانت عارف إن عليك مديونية لازم تدفع، ولا هو تلكيك عشان يحصل مشكلة وتحرج الرموز بتاعة الرياضة ورموز الدولة، شيء في منتهى الاستخفاف بالدولة ورموزها».

وأوضح: «مرتضى منصور طلع بعدها يعمل مسلسله السخيف على قناة الزمالك كل يوم. وجمهور الزمالك أكثر المستائين من مرتضى منصور، نادي الزمالك وكأنه عزبة، الزمالك نادي كبير أوي، حرام يبقى ده حاله وحرام يكون ده مجلس الإدارة اللي بيمثله».

واختتم: «أنا عارف إني هطلع على المسرح النهارده بالليل، واتشتم أنا وأهلي، بس الكيل طفح».