بسمة وهبة: كلاتنبرج كان فاشل ومطرود من السعودية بفضيحة

قالت الإعلامية بسمة وهبة: «كلاتنبرج طُرد من السعودية بفضيحة، وزعم أنه خائف من تهديدات جماهير نادي الزمالك، يا سلام ده أنت طولك 2 متر، إيه اللي بتقوله ده؟!».

وتابعت خلال تقديم حلقة اليوم من برنامج «90 دقيقة»، على قناة «المحور»، اليوم الأربعاء ” كلاتنبرج كان فاشل كما أنه كذب بشأن زعم تعرضه للضغوط في مصر”

وأضافت: «قال إنه يتم تضليله من قبل المسؤولين في اتحاد الكرة، إيه هو التضليل ده؟!».

بسمة وهبة: حرق القرآن الكريم في السويد يضر بمشاعر المسلمين وليس جزءً من حرية التعبير

وتابعت: «ما قاله كلاتنبرج فاضي ومن نسج خياله، بدليل أنه عايش في بلدنا منذ 6 شهور ومبسوط ولم يتعرض له أحد، لأن اللي حد يتعرض له يمشي على طول، ليه مشتكتش خلال الـ6 شهور، اشمعنى لما فشلت ومشيت؟!».

واشارت: “قعدت ليه لما إنت بتتهدد، قعدت ليه 6 شهور، إحنا بلدنا مبيحصلش فيها كده، ليه مشتكتش؟!”

وأكدت: “عندك مدرب المنتخب الأول برتغالي، والأولمبي برازيلي، بيتحركوا ومحدش فيهم اشتكى ولا بكى، وكمان في مدربين أجانب في الدوري محدش فيهم اشتكى”