أحمد موسى: المواطن بيروح مش بيلاقي سلع في معارض أهلا رمضان وده عكس كلام المسئولين

كشف الإعلامي أحمد موسى، عن أن هناك سلع غير متوفرة في معارض أهلا رمضان، مناشداً الدولة بضرورة توفير تلك السلع للمواطنين وبأسعار رخيصة.

وقال أحمد موسى خلال تقديمه لبرنامج «على مسؤوليتي»، المذاع عبر فضائية «صدى البلد»: “هناك إقبال من المواطنين علي شراء السلع بأسعار منخفضة بعد تصريحات المسئولين، ومينفعش المواطن يروح معارض التموين عشان أرخض وبيقطع المشوار في البرد و في الأخر مش بيلاقي السلع”.

وتابع أحمد موسى:إن المسؤولين عليهم تنفيذ التصريحات التي يدلون بها، مؤكداً على أهمية مطابقة الأسعار المعلنة في البيانات الرسمية، للأسعار الموجودة بالمعارض.

وواصل أحمد موسى متسائلا : «يعني إيه أقول عندي احتياطي والناس لما تطلب السلعة مش لاقياها، هو إحنا عاملين المعارض دي ليه؟.. أقول للمواطن صدقني وتعالى عندي لإني أوفر لك، وأبيع السلع بسعر أرخص من برا، بس السلعة تبقى موجودة، عشان المواطن يحس إنك عملت له حاجة».

وأضاف الإعلامي أحمد موسي :” المواطن من حقه يشتري اللي عاوزه وبكميات اللى محتاجها، والمعارض معمولة للمواطن مش للتجار”.