“طب ما ناكل ريش الفراخ حلو”.. محمود سعد يعلق علي دعوة القومي للتغذية لتناول أرجل الدجاج

علق الإعلامي محمود سعد عن استيائه الكبير، علي دعوة المعهد القومي للتغذية لتناول أرجل الدجاج، وذلك عبر صفحته الرسمية بموقع التواصل الاجتماعي فيس بوك.

ونشر الإعلامي مقطع فيديو له بتطبيق الفيس بوك، قائلًا: المعهد القومي للتغذية بيطلع تقرير إن رجلين الفراخ صحية ويا ريت تكلوها، وبدأوا يتغزلوا فيها كأننا هناكل بطاية.. أنتو عايزين إيه من الناس أكتر من كدا الناس مستوية، دا اسمه جهل سياسي وإنساني.

وزارة التضامن الاجتماعي: هناك 351 منطقة غير آمنة على مستوى الجمهورية

وتابع محمود سعد: لو سيادتك بتحب رجل الفراخ كُلها محدش منعك هي مش مُحرمة، كُلها بس ملكش دعوة بالشعب ارحموا الناس كفاية كدا، كفاية تهزيق في الناس، أنت فاكر إن المصريين مبياكلوش رجل الفراخ؟!، سيادتك انزل السوق هتلاقي في ستات عواجيز ورجالة بيشتروها، هما بيكلوها يا أخي بس البيوت أسرار.

وأضاف الإعلامي محمود سعد: عايز تبلغ الناس بإيه، سيب الست المصرية في حالها، الشعب بيعرف يدبّر أموره سيبوهم في حالهم.. طب ما ناكل ريش الفراخ حلو، شوية وهيقولوا كلوا القطط والكلاب دول حلوين زودتوها شوية بصراحة، عيب ميصحش