إيناس الدغيدي: عندي فكرة فيلم عن زنا المحارم بس المنتجين خايفين منه

أكدت المخرجة المصرية إيناس الدغيدي أنها تود تقديد فيلم يناقش قضية “زنا المحارم”، مشيرة إلى أن المنتجين غير متحمسين له.

واضافت إيناس الدغيدي خلال لقائها في برنامج “أسرار النجوم” من تقديم إنجي علي عبر إذاعة وقناة “نجوم FM”: عندي فيلم الناس خايفة منه، بيتكلم عن البنات اللي حصل في حياتهم “زنا محارم” سواء مع الأب أو الأخ بيعيشوا الحياة بعد كده إزاي، بيكونوا عنيفين، وبيعيشوا بنفسية مش مظبوطة وهما مؤثرين على المجتمع”.

وتابعت: “ثم إن القانون بيحاسب الأب أو الأخ كأنه اغتصب واحدة عادية، مفيش قانون خاص لهذا الموضوع، وفي فرق أكيد، أنا بناقش الفكرة دي أن الأب والأخ لازم يكون ليهم عقاب أكبر”.

وأختتمت إيناس الدغيدي: “الفيلم قاسي، ولكن ليس قاسي في المشاهد ولكن في الموضوع الذي يقدمه، المنتجين بيقولوا أن دا دخول في الممنوع والمحظور وأنا مش هقدم حاجة مكرره، ومفيش منتجين عندهم الجرأة والشجاعة، عشان كده أنا أنتجت 8 أفلام لأن المنتجين بيبقوا عاوزين الفلوس مش بيبصوا للموضوع”.