شيرين رضا : بنتي مخطوبة وهتتجوز بس مش هتعمل فرح لأننا لا نؤمن بهذه الأشياء

تحدثت الفنانة شيرين رضا عن خطوبة نجلتها نور عمرو دياب، وعن إمكانية إقامة حفل زفاف لها، مشيرة إلى أنهم لايؤمنوا بتلك الحفلات بسبب تكلفتها الكبيرة، وجاء ذلك خلال استضافتها في برنامج et بالعربي.

وقالت شيرين رضا: هتتجوز أكيد وهي مخطوبة دلوقتي بس أحنا معندناش الأفراح وهي مش هتعمل فرح لأننا لا نؤمن بهذه الأشياء، وأنا عمري ما لبست فستان فرح لبست في التمثيل ولكن ملبستوش في الحقيقة، وطبعا كل واحد حر ويعمل اللي هو عايزوا.

وتابعت شيرين رضا: متربناش كده دي أفكار شخصية أنا بشوف أن الحفلة الكبيرة فلوسها كتير أوي ليه هما ميستمتعوش بالحاجات دي أكتر من فستان الفرح والقاعة والمصاريف الكتير، كل دا علشان ليلة واحدة ياخدوا الفلوس دي يستمتعوا بيها.

واضافت الفنانة شيرين رضا: هي مش عاوزة تعمل فرح وأنا عمري ما كنت عاوزة أعمل فرح، هشوف لسه الاحتفال إزاي المهم أن هي وجوزها وأهله وأهلها وأصدقائهم المقربين يفرحوا مش نعزم ناس شفناهم السنة اللي فاتت علشان ميزعلوش ويجوا وينتقدونا دا مش هيحصل.