عميلة تشكو من شركة أورانج: ” نقلوا خطي لملكية شخص تاني بدون علمي وكل شغلي عليه”

اشتكت سيدة تدعي سهيلة مدحت من شركة اورانج، مشيرة إلى أنهم قاموا بنقل ملكية الخط الخاص بها إلي شخص آخر دون أخد الإجراءات القانونية اللازم إتباعها بحضور الطرفين لإتمام عملية نقل الملكية.

وقالت سهيلة مدحت عبر موقع التواصل الاجتماعي فيس بوك: “رحت يوم 6/15 فرع من فروع اورنج اغير شريحتين ل 4G والبنت طلبت البطاقه واتاكدت من كل بياناتهم وبالفعل استلمت الشريحتين ومشيت

بعد يوم بالظبط تقريبا لقيت الخط اتوقف فجأه.. أتصلت بخدمة العملاء أفهم ليه الخط أتوقف كان ردهم الخط مش باسمك يافندم ! نعم اللي هو إزاي حضرتك وأنا مغيره شريحتين مش واحده والبنت اتاكدت من كل البيانات وعلى أساس دا طلعتلي الشريحه 4G لا معرفش يا فندم حضرتك اعملي شكوي! ”

وتابعت : طيب حضرتك أعمل شكوي ف مين ولا أقول إيه أنا عميل ورحت طلبت خدمه وبالفعل اتعملت ليه الخط يتسحب مني تاني يوم والاقيه شغال مع حد تاني !!! دي كانت الصدمه بقي.. حاولت أفهم أكتر منه طيب حضرتك البنت ينفع تتطلعلي شريحه 4G والخط مش باسمي قالي لا قولتله حلو يعني دا مش تقصير من الفرع ولا البنت عشان أعمل فيها شكوي ؟ المهم وكالعاده معرفتش أوصل منهم لأي حل وكان ردهم أني أعمل شكوي بالي حصل

تمام عملت شكوي من شهر6 لحد وقتنا دا مفيش أي جديد وبتابع معاهم كل كام يوم ورحت فرع غير الفرع اصلاً وإذ اتفاجئ أن كل الموظفين اللي هناك مش قادرين يوصلو لايه اللي حصل بالظبط على السيستم وأن الخط ازاي مبقاش باسمي دا غير أن عندهم الخط طبعا باين أنه كان باسمي قبل ما يبقي باسم الشخص الجديد!”

واكملت : «طيب حضرتك فهمني دا يعني ايه ؟! يرد يقولي والله انا هتجنن السيستم قدامي مش باين عليه أي حاجه نقدر نوصل بيها مين اللي عمل كدا !؟ طيب حضرتك هو ينفع حد ينقل ملكيه من غير ما صاحب الخط يكون موجود وبعلمه.. قالي لا طبعا مستحيل لازم يبقي موجود هو والشخص التاني، تمام أنا بقي خطي ازاي اتنقلت ملكيته لحد تاني بدون علمي؟.. والله يافندم أنا مش عارف أقولك إيه بس فعلاً الي عمل كدا خافي اي معلومات تقدر نوصله بيها.. وهنا الصدمه شركه بحجم اورانج يحصل جواها كدا استهتار واستخفاف بالعميل للدرجادي ؟! طيب فين المصداقيه وازاي يحصل التلاعب دا جوا شركه بالحجم دا مبقتش مصدقه والله ازاي شركه المفروض انها محترمه ويحصل جواها كدا ويبقي ف موموظفين زي دول جوا الشركه ازاي ؟»

وواصلت : “فضلت معاهم من شهر 6 وكل يوم بنتابع الشكوي يا فندم وبندرسها .. واخر حاجه قالو اعملي شكوي في الجهاز القومي للاتصالات احنا معندناش حل ؟ شركه بحجم اورانج متبقاش عارفه توصل لحل ف مشكله جواها دي كارثه.. كلمت بالفعل الجهاز القومي قالو منقدرش نعمل حاجه محتاجين عقد للخط تمام نجيب العقد.. رجعت للشركه قالو لا مبنطلعش عقود لانه مبقاش باسمك حاليا ويرد عليا الموظف انه لو طلعلي عقدي هيتأذي ؟! ”

واضافت : وآخر حاجة حصلت لما رحت الفرع تاني الموظف هناك برضه يقولي روحي اعملي شكوي ف الفرع الي غيرتي من الشريحه !! ليه حضرتك أعمل شكوي فيه؟ انا دلوقتي جتلك وطلبت اغير شريحه وحضرتك عملتلي الخدمه الي انا كعميل طلبتها منك كموظف وبعد م تأكدت من كل المعلومات اللي تخليك تعملهالي وبالفعل عملتها والدنيا ماشيه تمام !! ليه بقي انا اروح اعمل فيك شكوي وانت قايم بشغلك كموظف خدمة عملاء ومحصلش منك أي تقصير.. طبعا سكت ومقدرش يرد وحضرته اتضايق واتنرفز أنه اتزنق في الكلام ومعرفش عمل اتصال بمين وقام قايلي اللي وصلني أن المشكله اتحلت والشكوي اتقفلت وانا صاحبك الشكوي ولا في حل ولا عندي علم بأي حاجه”.

واختتم حديثها : “معلومة بس للتوضيح الخط معايا من كذا سنه ويعتبر كل شغلي عليه .. واورانج موظفة ناس بتفتقر تقديم حلو واستهتار واستخاف بعقل ووقت العميل”.