ياسمين عز تنصح الفتيات بتعلم كرة القدم : «لازم نتعلم كل حاجة عن الكرة علشان نقرب من الرجالة»

وجهت الإعلامية ياسمين عز نصيحة للفتيات بتعلم لعبة كرة القدم للتقرب من ازواجهم، وقامت بشرح كيفية احتساب حكم اللقاء الأخطاء في الملعب.

وقالت ياسمين عز، خلال تقديم برنامج كلام الناس، المذاع عبر قناة إم بي سي مصر: لازم نتعلم كل حاجة عن الكرة علشان نقرب من الرجالة والناس اللي بنحبهم ، ولو عملنا كده هنبقي بشارك حبيبنا الرجالة حاجة مهمة أوي، ويلا شركي حبيبك”.

وقامت ياسمين عز بتقديم شرح تفاصيلي لطريقة احتساب الأخطاء في كرة القدم، مستعينة بقلم ورقة، دونت عليه كل الشرح.

ويذكر أن كانت قد شنت الإعلامية ياسمين عز حملة من الهجوم علي الإعلامية رضوى الشربينى، بسبب حديثها عن كرامة المرأة بعد الزواج، وذلك خلال تقديمها برنامجها كلام الناس ،المذاع عبر قناة أم بي سي مصر.

وقالت الإعلامية ياسمين عز: «الحمد لله ان ربنا شغلني بنفسي مش بغيري وده اللي مخليني مبسوطة، قالولنا زمان حكمة رائعة، يا محلي المبسوطة قدام المشعوطة.. المبسوطة كلنا عارفينها، والمشعوطة يعني متشعوطة كده لا على حامي ولا بارد، مفلفلة اللهم أحفظنا».

وتابعت ياسمين عز: «وأنا لما أتكلم عن الكرامة بين الزوج والزوجة، هو أنتي زوجة؟ لما أتكلم عن الرجل والست، هل أنتي ست؟ هو أنتي ست من اللي أنا أقصدها، إطلاقًا خالص، فشوفي إذا انتي ممغوصة بنجاحنا خدي مسكن، وإذا انتي مشعوطة من كلامنا خدي مهدي».

وواصلت : « الهاجس اللي بيكون في حياة المريض اللي عنده تجربة فاشلة، فعايز يخلي كل الستات فاشلة زيه، فتتشعوط أوي من جملتي إن مفيش كرامة بين الزوجين، ومن كتر الشعوطة تاخد الجملة بتاعتي وتعمل حكايات وروايات ونعمل منها حلقات»،

واكملت ياسمين عز: « ايه دخلك بالمتجوزين؟ ايه حشرك بين المتهنيين؟ ايه علاقتك بالحنية والبنات المتهنية، المنطقة دي محظورة ماتجيش هنا تاني، المنطقة دي كلها دلع حتى ستات متهنية، لو جيتي هنا تتحرقي ياماما».

واضافت الإعلامية ياسمين عز: «إذا انتي ممغوصة من حالك ومشعوطة إحنا مالنا، حاشرة نفسك معانا ليه؟ مركزة معانا ليه؟ كرامتنا وإحنا حرين فيها، إجوازنا واحنا حرين فيهم.. لو شطبتي أو خلصتي المحتوى دوري تاني، يمكن تلاقي عقدتين تجوزيهم لبعض يخلفوا عقدة صغيرة، تكملي بيها المحتوى وتخربي بيها البيوت العمرانة، دي مش مشكلتنا ولا محتوانا».