سيدة تشكو من البنك الاهلي: ” لو شافوك فلوس علي الأرض ياكلوك.. قدمت طلب بقفل حسابي ومتقفليش واكتشفت أن عليا ديون”

قدمت سيدة تدعي “عبير حامد” بشكوي من البنك الأهلي المصري، مشيرة إلى أنه من أسوء البنوك تعاملاً، وذلك عبر موقع التواصل الاجتماعي فيس بوك.

وقالت عبير حامد : “البنك الاهلي المصري، من أسوء البنوك تعاملاً، لو شافوك فلوس علي الأرض ياكلوك.. أنصح أن محدش يفكر يدخله حتى مش بس يفتح حساب فيه”.

وتابعت :” قدمت طلب باغلاق حسابي من سنة ٢٠١٨ في فرع البنك اللي فتحت فيه الحساب.. و بقالي فترة بجيلي رسايل علي الموبايل من البنك رسائل دعائية و كدا حتى مش تنبيه أو اطمئنان أو متابعه للعميل.. قلقت و قلت أكلمهم أعرف سبب إني لسة ع الداتا بيز عندهم”.

واضافت عبير حامد : «أكتشفت ان لسة حسابي متقفلش لا و فوق دا عليا مديونيه كمان لازم ادفعها لو عاوزة اقفل الحساب..قدمت شكوى و اتنين و اترفضت، لو حد عنده نصيحه للتظلم علي البنك أو أي إجراء أقدر أعمله معاهم ياريت يساعدني.. كانت أحسن خطوه عملتها إني غيرت تعاملتي ل بنك تاني فعلا».