حسن الرداد: وإيمى كانت متعلقة جداً بوالدها بصورة كبيرة ..وحاولت املي أي فراغ في حياتها

حل الفنان حسن الرداد ضيفاً في برنامج صاحبة السعادة الذي تقدمه الفنانة إسعاد يونس والمذاع عبر قناة Dmc، وكشف عن تفاصيل في حياته الشخصية والفنية.

حيث قال الفنان حسن الرداد : “البنت حبيبة أبوها، وإيمى كانت متعلقة جداً بوالدها بصورة كبيرة، وبالتالي كان عليا إنى أحاول املي أي فراغ في حياتها، ولأن الظرف اللى مرت بيه جه بعد فترة قليلة من وفاة والدتى، فكنت ساعات أجى أعيط أقول لنفسى خلاص مش دلوقتى علشان إيمى، خاصة إنها طفلة وكان والدها الرجل الأول والأخير فى حياتها”.

وتحدث عن وقوفه في العزاء بجانب زوجته الفنانة إيمي سمير غانم قائلاً : “ده الطبيعى، وإحنا ما كناش واقفين كده علشان زوجاتنا فقط، ولكن علشان دول أهالينا، وبالتأكيد ما عملناش غير الطبيعي أو المفروض يحصل”.

كما قال الفنان حسن الرداد: إن سمير غانم ودلال عبد العزيز كانوا من أجمل الشخصيات اللي عرفتها في حياتي، مشيراً إلى أنه بجانب عشقه لسمير غانم كفنان صار يعشقه بصورة أكبر بعد أن تعرف عليه وصار حماه، أما دلال عبد العزيز فهى دوما ما كنت مبتسمة، وكانت تعتبرنى بمثابة ابنها حتى لو كان في خلاف مع ايمى.

وتابع حسن الرداد: “لما تعب سمير غانم ودخل المستشفى، كنت مش عارف أبص على الدور اللى مات فيه لأنه نفس الدور اللى شهد وفاة أمى، ولكن القدر كان غريب لما توفى في نفس غرفتها اللى ماتت فيها”.

كما تحدث الفنان حسن الرداد عن زوجته الفنانة إيمي سمير غانم،قائلا : “أنا طول عمرى ما بحبش الحيوان اللى حركته سريعة، وتاريخي مع القطط والكلاب زي الزفت، يعني كنت أنزل أجيب حاجة من الشارع ألاقى كلاب بتجري ورايا، فطلعت بخاف من الكلاب وبعتبره عدو للإنسان، أما القطط أبقى في مكان ألاقى قطة ترعبنى فجأة، وأروح أي مكان ألاقى القطة تسيب الناس وتقعد جنبى”.

وأكمل حسن الرداد: “ولكن لما اتجوزت إيمي شفت الكلاب قد إيه بيعتبرها اللى بيربيها واحد من عياله، زي ما شفت إيمي عاملة مع الكلاب والقطط، وبتأكلهم طول الوقت، وبعدها في مرة إيمي قالت لى واحنا قاعدين عارف يا حسن أنا بقيت بحبك قد الكلاب، فقلت لها ده مدح ولا ذم، قالتلى مدح طبعا، ده أنا كنت بقول لبابا كده إن هو والكلاب أكتر حاجة بحبها في حياتى”.