عميل يهاجم شركة فودافون: “حولوني علي باقة تانية من غير ما أشترك فيها عشان أدفع أكتر”

كشف عميل يدعى عمر علي عن تعرضه للسرقة من شركة فودافون Vodafone Egypt، وذلك عبر موقع التواصل الاجتماعي فيس بوك .

وقال عمر علي عبر تطبيق الفيس بوك: “عندي خطين Vodafone Egypt مش أساسيين ، كل شهر بدفع فاتورتهم برقم معين ثابت لا جنيه أقل ولا أكتر فوجئت الشهر دا بإن الفاتورة زادت اتصلت أعرف السبب قالولي أنهم حولوني لباقة أعلى وانا مطلبتش وانهم اشتركولي في باقة نت طبعا هما بيقولوا اني انا اللي اشتركت فيها ، وان مفيش حاجة تنفع عشان حذف المبلغ الزيادة بالذات على باقة النت ، يعني Vodafone Business Egypt تسرقني عيني عينك وبالإجبار ،طلبت تقديم شكوي وأن حد يكلمني ”

واضاف : “امبارح اتصل بيا حد من الإدارة وقالي أن الإدارة ردت على الميل انه مينفعش يردولي المبالغ ولما بقوله دي كدا سرقة، قالي دا رأيك ويحترم ورفض يديني رقم للشكوى قولتله أمال اقول لجهاز تنظيم الاتصالات ايه قالي قولهم فودافون مدتنيش رقم شكوى وعملت شكوى في جهاز الاتصالات”.

ووجه عمر علي نصيحة للمواطنين بعدم التعامل مع شركة فودافون، قائلا:” كدا بنصح أي حد بيفكر يجيب خط او باقة نت أو أيا من منتجاتهم بعدم التعامل معاهم”.