إبراهيم عيسى: إحنا كمجتمع ومؤسسات بنهين فنانينا وأي فنان يخطأ يتم فضحه وتكبير خطأه حتى لو محدود

أعرب الإعلامي إبراهيم عيسى عن استياءه من تعرض الفنانين المصريين وخاصة ويجز ومحمد رمضان لحملة وعاصفة من الهجوم بسبب أختلافهم عن الثقافة السائدة.

وقال إبراهيم عيسى خلال تقديم برنامجه حديث القاهرة على قناة القاهرة والناس :«شوف حجم الهجوم اللي بياخده ويجز أو زملاءه من مطربي الراب، أو حجم الهجوم اللي بياخده محمد رمضان عشان مش زوقنا في الغناء والفيديوهات اللي بيقدمها».

وتابع الإعلامي إبراهيم عيسى:«بنهاجم ويجز عشان بيقول كلام بالنسبة لجيلنا عجيب وغريب ومش ذوقنا، فاحنا بنبهدلهم ونهينهم ومش بنسيبهم للتيارات السلفية، فأحنا كمجتمع ومؤسسات بنهين فنانينا».

واضاف الإعلامي إبراهيم عيسى: «أي خطأ لأي فنان بيتم تعظيمه وتكبيره حتى لو خطأ محدود، هي دي القوة الناعمة؟ ده سلاحنا؟ ففي مهن أي حد بيخطأ فيها بيكون فيه رغبة في الاخفاء بينما مهن أخرى مثل الفن بيكون فيه رغبة في الفضح، وده تعبير على أننا شايفين الفن ازاي، هل احنا شايفين الفن كقوة، وكحضارة، أم شايفينه بالمنطق السلفي والوصائي؟»