انوشكا : لما ببقى رحيمة بالحيوانات ربنا بيفتحها في وشي

حلت الفنانة أنوشكا ضيفة في برنامج “مساء dmc” الذي تقدمه الإعلامية إيمان الحصرى المذاع على قناة “dmc”، وكشفت عن حبها الشديد للحيوانات وخاصة الكلاب والقطط، مشيرة إلى أنها تمتلك فى منزلها كلب وقطتين تقوم برعايتهم .

وقالت الفنانة أنوشكا:” كنت مربية كلبة وقطتين وفاصلة بينهم عشان يعيشوا بسلام، ونفسى يتعودوا على بعض ويعيشوا سوا “.

تابعت أنوشكا :” معرفتى بالكلاب أنى كنت رايحة تصوير وسمعت صوت كلاب صغيرة بدون أم وكانوا جعانين، ولو أقدر أعمل حظيرة أجمع فيها كل الكلاب هعمل كده لأنى بحس أن المخلوقات الجميلة دى رحيمة وطيبة” .

واضافت أنوشكا :” الناس بتضحك علينا عشان بنقول الرحمة، مجرد أنك يكون فى رحمة فى الحيوان أكلتيه أو شربتيه، بعتبر دا أن ربنا فتحها فى وشى دا إحساسى، ومقدرش أفرض دا على الناس”.

واختتمت أنوشكا حديثها :” الطفل اللى يتعلم يكون رحيم بكلب أو قطة لما يكبر هيكون رحيم بوالده ووالدته، والرحمة لا تتجزأ، وطول ما أنت بصحتك، وطول ما أنت قاعد وسط أهلك أنت ملك ملوك العالم، ومتعرفش بكرة ولا بعده هيحصل إيه.. لو بتحب حد روح قوله بحبك متستناش الفرصة تجيلك”.