شريف مدكور يكشف قواعد استضافة المحجبات في برنامجه

شن الإعلامي شريف مدكور، حملة من الهجوم علي بعض ملابس المحجبات، مشيرا إلى أن هناك سيدات محجبات يرتدون ملابس اسوء من غير المحجبات.

ونشر الإعلامي شريف مدكور مقطع فيديو عبر صفحته الرسمية بموقع التواصل الاجتماعي فيس بوك، يوضح فيه قواعد استضافة المحجبات في برنامجه، الذي يحمل عنوان شارع شريف، ليوضح الـ دريس كود الخاص بهن، وعلق عليه قائلًا: أكيد كل واحد حر، لكن اللي اختار أو أختارت حاجة معينة لازم يكملوها”.

وقال شريف مدكور: هي وجهة نظر من غير ما أزعل أي حد، ستات مصر بالنسبة لي هي أمي وأختي وببقى فخور وسعيد لما بيتقال أني مذيع ستات مصر دا تاج على راسي، الموضوع اللي هتكلم فيه حساس عن المحجبات، أنا في البرنامج عامل “دريس كود” بمعنى أي محجبة هتطلع في البرنامج لازم تكون لابسه ما لا يصف ولا يشف.

وتابع الإعلامي شريف مدكور: ابتديت ألاحظ أن يجي ضيوف محجبات لابسين طرحة ومغطين راسهم ولابسين “بادي” وهما ممتلئات شوية وكل جسمهم متفسر، وبنطلون ضيق جدا وجزمة بكعب ومكياج كامل ورموش طويلة، كل واحد حر في لبسه مش هتدخل لكن دا مش هيطلع على الشاشة.

واضاف شريف مدكور: أي سيدة محجبة هتظهر في البرنامج تلبس فضفاض ومش ألوان صاخبة ولو بنطلون يكون واسع، بس في مش قادرين يستوعبوا دا وبيزعلوا، والرد دايما يكون أنت بتطلع ناس لابسين عريان وأنا باقول هما مش محجبات لكن اللي اختارت تكون محجبة دا فرض، المحجبة بتتنازل عن جمالها ومتبقاش ملفتة للنظر.

وأكد شريف مدكور أنه ضد “البوركيني” لنفس السبب ووجه رسالة إلى زميلاته الإعلاميات المحجبات موضحا أنهن واجهة للمحجبات ويؤثرون على أي سيدة وعليهن عدم الظهور بمكياج ثقيل كما يحدث.

.