ويجز : الراب في مصر بيواجه قيود بسبب العادات والتقاليد.. وطول مافيه قيود مفيش إبداع

تحدث مطرب الراب ويجز عن الصعوبات التي واجهها في بداية مشواره الفني، وذلك خلال استضافته في هيئة الإذاعة البريطانية BBC.

وقال مدرب الراب ويجز: ” كان عندي أوقات كنت المفروض أسيب فيها كل حاجة، لكن كان لازم أتعلم الانضباط وإني أكون متسق مع نفسي، وإزاي أكون فنان عشان أتجنب الاختفاء بعد شوية”.

وتابع ويجز : “لازم تدي نفسك الاحترام والتقدير اللي تستحقه بعد ما تعمل حاجة، وأنا لا أضع نفسي تحت ضغط كتابة أغنية، ولا أنسى إني إنسان ممكن أغلط عادي، وأكافئ نفسي لما أحسن من نفسي”.

وتحدث ويجز عن التحديات والصعوبات التي تواجه مطربين الراب في مصر، قائلا : “الراب في مصر بيواجه قيود، وبيتربط بعادات وتقاليد المفروض تكون إتلغت، لإن العالم كله بيتغير”.

وتابع ويجز : “أي حد ممكن يحافظ على نفسه ويسمع اللي المفروض يسمعه، مش لازم ياخد حاجة تانية من المطرب”.

وأوضح ويجز : “طول ما في قيود الإبداع بيقل، ومش عايزين المساحة الإبداعية تتخطف منا، نفسي الموضوع يبقى سلس أكثر من كده”.

وكما تحدث عن فكره اتخاذه كقدوة للشباب، قال ويجز: “لو جرى التعامل مع الأمر من ناحية الرحلة التي خضتها سيكون الأمر مقبولًا، لكن كقدوة في التصرفات أود القول إنه بكل تأكيد هناك أشخاص أفضل مني في كل شئ”.