عاملة نظافة تُعيد شيك بمليون جنيه «القرش اللي مش هتعب فيه ميلزمنيش»

وتابعت: «صحيح الحالة المادية مش قد كدة، لكن انا بشتغل وبشقى وبكسب فلوسي بالحلال وبربي بناتي بالحلال ومش عايزة غير الحلال، القرش اللي مش هتعب فيه ميلزمنيش، وبتمنى إن تعبي على بناتي بالحلال أشوفه فيهم».

وواصلت: «أول ما دخلت البيت قلت للبنات أنا لقيت شيك بمليون جنيه يا بنات، سألوني عملتي في ايه، رديت قلت رجعته لصاحبه، شوفت في عين بنتي الكبيرة فرحة ونظرة فخر ودي كانت عندي بـ100 مليون جنيه، إني بنتي تتعلم من دلوقتي إنها متاخدش حاجة مش بتاعتها، وإن الشغل والقرش الحلال أحسن ألف مرة من كنوز الدنيا لو فيها شبهة حرام».

وقد كرمت إدارة النادي عبير حيث قالت: «الإدارة مشكورة كرمتني ودي كانت لحظة فخر ليا، وكمان قالوا إنهم هيدوني ترقية في الشغل وحقيقي حسيت إن دة كرم من ربنا، يمكن ربنا كان بيختبرني عشان يكرمني أكتر في حياتي وأنا نجحت في الاختبار».

واختتمت: «أنا حاسة إن الناس فرحانة بيا وأنا من جوايا مش شايفة إني عملت حاجة كبيرة، دي فلوس حرام إزاي ادخلها على بناتي وبيتي، ربنا يغنينا من حلاله ويرزقنا الحلال بس».