أحمد موسى للتجار: اللي هيستغل الناس هقول اسمه على الهواء

قال الإعلامي أحمد موسى، خلال برنامج «على مسئوليتي» المذاع على قناة صدى البلد، «ده جشع واستغلال ليه بتزود 20% و25 % على الأسعار.. دي زيادة غير مبررة أنت استوردت حاجة!.. الأجهزة الرقابية والتموين وحماية المستهلك لازم تتحرك بحملات في كل مكان.. واحنا معاكوا اللي هيعمل كده هنقول أسمه على الهواء أنه تاجر مستغل.. العالم في ظروف استثنائية».

وأكد: «أخطر شيء يكون عندك سعرين للدولار، ويجب القضاء على السوق الموازية لتجارة الدولار، في الثمانينات التسعينات كنت بتابع ملف العملات وكان فيه 3 واحد في القاهرة والتاني في الإسكندرية والتالت في الصعيد يتحكمون في سعر الدولار في مصر، وكان شغلي الشاغل إني أقعد في مكتب مدير مباحث الأموال العامة عشان أشوف الإجراءات التي تحدث، واتخذت الدولة وقتها قرارات رادعة لمواجهة تجار العملة».