الفنانه دنيا سمير غانم في احدث ظهور لها مع الدكتوره نوال الدجوي

كتبت : أوركيد سامي

نشرت الفنانة دنيا سمير غانم علي مواقع التواصل الاجتماعي صور تجمعها بالدكتورة الفاضله” نوال الدجوي ”

و علقت الفنانه دنيا سمير غانم قائله ” الصور دي من

الصور دي من أهم الصور المعبرة في حياتي

‎لإني متصورة مع الأم و الأستاذة المربية الفاضلة د/نوال الدجوي أو زي ما اتعودنا نقول لها “ماما نوال ”

‎أنا فخورة إني متخرجة من مدرسة “دار التربية ” و جامعة “MSA” اللي حضرتك بكل تفاني بذلتي مجهود كبير في انهم يكونوا مكان جميل مش بس للتعليم و التربية و لكن لإكتشاف المواهب

‎لما كنت في أولي حضانة مدرستي هي اللي اكتشفت إني بعرف أغني و كانوا كل مدرسين الموسيقي مهتمين انهم يخلوني أغني كل سنة في حفلة المدرسة و كانوا بابي و مامي بييجوا و يتفرجوا عليا و كانت دي من أجمل ذكرياتي اللي استرجعتها امبارح لما كنتي حضرتك بتتفرجي عليا وانا بمثل علي المسرح و جملة حضرتك ليا بعد العرض “انت هتخليني أهتم أكتر بالمواهب الصغيرة في المدرسة عشان يكونوا زيك ”

‎انا بشكرك جدا علي كل حاجة زرعتيها فيا من زمان بطريقة مباشرة او غير مباشرة،

‎ حضرتك و الأم الثانية لينا ميس مني الدجوي رمز للرقي و الشياكة و صديقتي و زميلتي إنجي منصور

“حقيقي نورتوني و أثرتوا فيا أوي و بحبكوا اوي ”

و يذكر أن يشارك في بطولة مسرحية “أنستونا” نخبة من أبرز نجوم الكوميديا في مصر دنيا سمير غانم، ييومي فؤاد، كريم عفيفي، سامي مغاوري، مريم السكري، عمرو عبدالعزيز، والمسرحية من إخراج خالد جلال، وتأليف كريم سامي وأحمد عبد الوهاب، وإنتاج محمد أحمد السبكي.

وتعرض المسرحية على مسرح جامعة مصر بمدينة 6 أكتوبر، جنوب العاصمة القاهرة، في الساعة الثامنة مساء، وذلك في الفترة من 20 أكتوبر/ تشرين الأول إلى 11 نوفمبر/ تشرين الثاني، وفقا لموقع “تيكتس مارشيه” الذي يتم حجز تذاكر حضور المسرحية من خلاله.

وتنقسم فئات تذاكر مسرحية “أنستونا” إلى 5 فئات، الفئة الأولى بـ 250 جنيها والثانية بـ 400 جنيه، والثالثة بـ 550 جنيها، والرابعة بـ 750 جنيها، والخامسة بـ 1250 جنيها.