قال الإعلامي تامر أمين في تعليق عبر برنامجه «آخر النهار»، والذي يعرض عبر قناة «النهار»، مساء اليوم الثلاثاء، «مش عايز أقول كلام يزعل بعض المصريين مني، لكن ثقافة العمل عندنا محتاجة إعادة نظر، عندنا مشكلة، الناس اللي بستسهل المكسب كتير، والناس اللي بتكسل عن الشغل كتير، والناس اللي بيبقى قدمها فرص عمل وتسيبها كتير».
وتابع أمين: «في الكنيسة والجامع والمدرسة والبيت محتاجين نتعامل مع أولادنا بفكرة مختلفة عن العمل، لأن من الواضح إننا مش بنعرف نزرع فيهم ثقافة العمل، في دول كثيرة عندها ثقافة العمل قوية زي الصين واليابان».
وأوضح: «بلاش فكرة الاستسهال، كله عايز يشتغل سمسار، يقولك وأنا قاعد على القهوة بشيش اعملي صفقة منها على صفقة من هنا، البلد كلها عايزة تشتغل سماسرة».
Discussion about this post