عمرو أديب: أزمة الكتاكيت لن تكون الأخيرة ووارد أن الحكومات تتكعبل ويحصل أزمات

قال الإعلامي عمرو أديب خلال برنامج «الحكاية» المذاع عبر فضائية «إم بي سي مصر»، مساء الإثنين، إنه يرى أن أزمة الكتاكيت لن تكون الأخيرة، مشيرا إلى أن كل دول العالم تعرضت لأزمات، معلقا: «أتمنى أكون غلط، ولكن ما يقدر على القدرة إلا ربنا».

وأضاف الإعلامي عمرو أديب، «الناس لازم تتصرف مفيش نوع الرز ده نجيب نوع تاني.. جايز تلاقي نوع أحسن، بلاش تقفوا عند حاجة عشان إحنا في أزمة»، متابعا: «المشاكل موجودة وهتفضل موجودة، في سنة كمان بايخة فالخارج بيقولوا كده وحاطين الحزام على بطنهم سنة كمان، وشكلنا هنعدي في ضوء في نهاية النفق».

وأضاف: «وارد أن الحكومات تتكعبل ويحصل أزمات، ممكن تاخد قرارات مش عايز تاخدها»، متابعا: «مثلا ماركة رز مش موجودة.. بس في أنواع تانية، دي أشياء مينفعش نتكلم فيها بالأزمات، في أوقات بننسى أننا في كارثة، وهذا الأمر لن ينتهي قريبا، نحن أمام موضوع جهنمي محدش فاهمه»، متسائلا من الرابح من وراء الأزمة الروسية الأوكرانية.