عميل يحذر من البنك الأهلي:”خلي بالك من فلوسك عشان بتتاخد من حسابك وانت مش حاسس”

كشف أحد رواد مواقع التواصل الاجتماعي عن تعرضه للسرقة من ” البنك الأهلي المصري”، موضحاً أنه وجد نقص في مبلغ مالي من حسابه الخاص به بالبنك.

وكتب عبر موقع التواصل الاجتماعي فيس بوك:” يعني ايه اعمل إيداع في البنك الاهلي المصري ف ATM…وأخد وصل أن تم الإيداع والرقم مظبوط وكله تمام ..وأجي صدفه تاني يوم اروح اعمل ايداع الاقي الفلوس نقصت 1000 جنيه واعمل كشف حساب الاقي الايداع نقص 1000 جنيه ..ايه السرقه دي !”.

وتابع : “روحت كلمت خدمه العملاء وعملت شكوى يرد يقولي بنعتذر لحضرتك الفلوس تم إيداعها فعلا بس رجعت انسحب ١٠٠٠ جنيه واحنا عملنا شكوى وتابع معانا “.

ووجه رسالة إلي البنك الاهلي المصري، قائلا : “نفترض أن مروحتش تاني يوم اعمل إيداع أو مركزتش مع الحساب فيه كام .. كان إيه مصير ١٠٠٠ جنيه، بجد حرام وهندوخ لسه عشان نرجع الفلوس وياعالم بقي ..اسوء بنك بجد “.

واختتم حديثه:”بقول لكل الناس خلي بالك من فلوسك ف البنك الاهلي عشان ممكن يتاخد منك فلوس من حسابك وانت مش حاسس”.