مواطن يشكو من خدمة “بنك مصر”: “يسرقك ويخليك تلف حوالين نفسك شهور عشان حقك يرجع.. البنوك بقيت عزبة ومش عليها رقابة”

أعرب أحد رواد مواقع التواصل الاجتماعي عن غضبه واستياءه من سوء خدمة ” بنك مصر ” للعملاء ، مؤكداً أن البنك يعاني من خلل في نظامه.

سيدة تهاجم بنك مصر: ” الفلوس مش هترجعلك في خدمة الكاش باك 10%.. واسوء خدمة عملاء في مصر “

وكتب عبر موقع التواصل الاجتماعي فيس بوك ،قائلا : بنك مصر اسوء بنك ممكن تتعامل معاه روحت سحبت مبلغ عن طريق فودافون كاش جاتلي رساله علي الموبايل انه تم السحب.. بينما شاشه الصرافه مكنتيش موضحة دخلت لمدير بنك مصر قالي مش مشكلتنا اتواصل مع فودافون مش معانا”.

أسوء تجربه مع أسوء بنك .. سيدة تخسر أموال بسبب خطأ من خدمة عملاء بنك مصر

وتابع :”لما وضحت انه معايا صور بتوقيت تثبت بما لا يدع مجال للشك أنه مشكله في السيستم عندهم و لو كلف نفسه دقايق يراجع هيتاكد من كلامي رفض، أنه يرد عليا مع العلم أنه حصلت مشكله مشابهه معايا قبل كده بس كان عن طريق حسابي عندهم و استمرت ٧٥ يوم عشان يرجعو الفلوس مفيش مره اتعامل معاهم إلا و يثبتولي انهم ناس بتاع مشاكل بس ”

وواصل : لما اتواصلت مع فودافون كان ردهم الشكوى بتاخد من ٥ أيام الي ١٦ يوم عشان ييجي الرد طيب أنا معايا إثبات أن المشكله من عندهم بالدليل، و لا حياة لمن تنادي”.

أحد عملاء بنك مصر يفقد كل أمواله من بطاقة ميزة دون سبب

واختتم حديثه: ” هو ده النظام في مصر نسرقك و بعدين تلف حوالين نفسك شهور عشان ترجع حقك بدون حتى اعتذار من اي مسؤول ..ارحمونا هي البنوك بقت عزبه مفيش عليها رقابه”