حذرت أحدي رواد مواقع التواصل الاجتماعي من التعامل مع شركات التأمين المتواجدة داخل البنوك وخاصة شركة ” إليانز Allianz للتأمين”، مشيرة إلي أنها تعرض للنصب والتضليل.
وكتبت عبر موقع التواصل الاجتماعي فيس بوك: تجربتى مع (شركه اليانز للتأمين ) .. أولا طريقه تدبيس العملاء مُضلله .. يعنى تبقى رايح البنك لاى استفسار الموظف فى البنك يحدفك لمندوب شركه اليانز يشرحلك غلط ويضللك ويعملك وثيقه وطبعا بيبقى ليهم عمولات ممكن واحد معدوم الضمير والدين يضرك عشان مصلحته وخلاص وعشان يزود مرتبه .. الوثيقه بخط صغير جدااا فتضطر تسمع فقط للى بيشرح وطبعا مبيشرحش صح .. كمان مبيوضحش ان اللى بتدفعه جزء منه للتأمين ع الحياه وجزء استثمارى “.
وتابعت : وكمان مبيوضحش يعنى ايه جمله حساب استثمارى ومبيشرحوش ان مش هتقدر تاخد فلوسك كامله الا بعد سنه التعادل اللى هى ما بين 5 الى 7 سنوات وهتاخد الفلوس هى هى بدون اى زياده .. ولو سألته ع الالغاء هيضللك ومش هيوضحلك انك ممكن تخسر 75٪ من فلوسك لو لغيت بعد سنه ”
وواصلت : “وللاسف لو روحت واشتكيت فى مقر شركتهم انك متضلل بالشرح مبيغلطوش الموظفين بتوعهم والله اعلم ممكن هم مدربينهم ع كدا اصلا ،و واضح أنه سيستم فى الشركه لان لقيت حالات كتير زى وفى جروب عليه المتضررين منهم”
وأكملت : ومفيش بربع جنيه انصاف ولا عدل ( يعنى صورتلهم ورقه كان موظفهم شارحلى فيها بتقولى هو اه مش كتبلك انك فى الالغاء بتاخدى 75٪ من ايه بالظبط بس طلبك للاسترداد مرفوض فى مكالمه جوده رغم أن مكالمه الجوده الاولى أما كلمونى رديت عليهم غلط علي حسب شرح الموظف، وقالولى ارجعى للموظف تانى والموظف يضلل تانى وهكذا حتى بعد سنه اما بيحصل مشاكل مع موظف بيغيروا مكانه ويجيبه حد جديد لقيتهم جايبين واحده تانى وبردو تضليل فى الشرح”.
واضافت :” وتقولى ليه تقللى القسط ادفعى وانتى كسبتى 2000 جنيه ممكن احولهوملك اقولها حوليهم تقولى الافضل تصبرى للسنه الخامسه تتصل بالخط الساخن بتاعهم تلاقى الشرح مختلف تماما ويتقالك احنا اصلا مش جه استثمار.. للاسف اضطريت اوقف الاستنزاف اللى بيحصل وخسرت مرتب سنه كامله فى الموضوع دا ولسه مستنيه يردولى م تبقى م الفلوس اللى ادفعت اللى هم حوالى 25٪ “.
واختتمت حديثها: “خلوا بالكم ونبهوا اى حد بيروح البنوك بلاش شركات تأمين”.
Discussion about this post