“النت بيقطع كل يوم اكتر من سبع ساعات..و الشركة لا تقدم للعملاء أبسط حقوقهم”.. مواطن يشكو من سوء خدمة شركة الاتصالات الشهيرة “We”

تقدم أحد رواد مواقع التواصل الاجتماعي بشكوى من شركة الاتصالات الشهيرة “We”، مشيراً إلى أن خدمة العملاء الخاصة بهم سيئة إلي أقصي درجة، ومؤكداً أن الشركة لا تقدم للعملاء أبسط حقوقهم .

وكتب عبر موقع التواصل الاجتماعي فيس بوك: “مشكلتي بدئت مع الانترنت الارضي من أول شهر 9 الشركة بتقطع النت كل يوم اكتر من سبع ساعات بحجه تحديثات في الخدمة “.

وتابع : “النت بيقطع بدون ما الشركه تعمل ابسط حقوق العميل،زي أنها تبعت رساله بفتره الانقطاع او حتي مكالمه تلفيون”.

وواصل : كلمت خدمه العملاء اكتر من ٢٠ مره علي مدار الفتره لي فاتت محدش عنده معلومه محدش عنده حل و بيقولوا مش عارفين نتواصل مع القسم المختص.. هل ديه مشكلتي انا كعميل؟!.. هل مشكلتي ان الاجهزة بتاعتكم فيها مشكلة؟!.. و مش عارفين هتتحل ازاي و امتي”.

خدمه عملاء حافظه مش فاهمه و شركة مفيهاش ادني process”.

واضاف :”عملت كذا شكوي و شغلي للاسف واقف و متعطل بسببهم و خسرت كتير جدا”.