“شغلانتنا صعبة مش ترفيه زي ما كل الناس فاكرة”.. منة فضالي تجري عملية جراحية في قدمها بسبب “الباديكير”

أعلنت الفنانة منة فضالي، عن خضوعها لعملية جراحية في قدمها، بسبب الباديكير، وذلك عبر صفحتها الرسمية بموقع التواصل الاجتماعي إنستجرام.

ونشرت منة فضالي، صورة لقدمها بعد إجراء العملية الجراحية، وعلقت عليها، قائلة:”من شويه عملت عملية في رجلي بسبب صباعي وكل ده من الباديكير في ناس هتتريق وتقول يعني ايه باديكير هقولكم تنضيف انا بقالي ٩ ايام بشتغل وانا تعبانه جدا وبتصور وبنزل صور وانا بضحك وانا في الكواليس وانا وسط زملائي”.

وتابعت منة فضالي:”اللي عاوزه اقولو اني شغلانتنا صعبة مش ترفيه زي ما كل الناس فاكرة احنا اكتر ناس بتكون مضغوطة وحقيقي محدش بيحس بوجعك غير نفسك”.

واضافت منة فضالي:” بس بجد كل الناس في لوكيشن الونش من المخرج إسماعيل فاروق لآخر حد في الكرو كان بيساندني شكرا ليهم فعلا وحقيقي حب الناس ده نعمه من ربنا”.

 ويعد مسلسل “الونش” من بطولة محمد رجب، محمود عبد المغنى، ميرهان حسين، منة فضالى، دانا حلبى، محسن منصور، إيهاب فهمى، محمد أبو داود، ميمى جمال، حنان سليمان، علاء مرسى، عبير منير، هاجر الشرنوبى، أحمد إمام، الطفلة ريم عبد القادر وعدد آخر من الفنانين، و من تأليف أحمد عبد الفتاح وإخراج إسماعيل فاروق وإنتاج شركة سينرجى.