طليق منة عرفة: حبيتها واستحملتها.. وبعت العربية علشان أديها فلوس تحقق حلمها

كشف الفنان محمود المهدي عن تفاصيل أزمته مع طليقته الفنانة منة عرفة، مؤكدا أن لايوجد نية للعودة لها مجددا.

وقال محمود المهدي خلال مداخلة هاتفية ببرنامج خط أحمر المذاع عبر قناة الحدث :”كنت عملها مشروع تجميل عشان حالها وقف في التمثيل، وبعت العربية مخصوص علشان أديها الفلوس، وبعدها بيومين تم الطلاق فجأة، وطلعت قولت حسبي الله ونعم الوكيل”.

وتابع محمود المهدي :”اديتها الفلوس ومقصرتش في بيتي، للأسف حبيتها وصرفت على أهلها، ساعة الطلاق كنت رافض إني أطلقها لكن أهلها كانوا مصممين، أنا كنت ساكت وكنت ممكن أتكلم وأقول كتير بس سكت”.

وأضاف محمود المهدي:”حبيتها واستحملتها اكتر من أي حد، صعب نرجع مقدرتش اللي عملته عشانها وخسرت حجات كتير، وكلامي كان غلط إني طلعت واتكلمت بعصبية ودافعت عن نفسي وأهلها غلطوني”.