شخص يهاجم “شركة نستله”:”زجاجات مياه نستله ريحتهم كلور بشعة زى ما يكونوا متعبيين من الحنفيه”

هاجم أحد رواد مواقع التواصل الاجتماعي، “شركة نستله” ، مشيرا إلي أن زجاجات المياة التي تنتجها الشركة ليست مياه معدنية و لكنها معبأة.

وقال علي موقع التواصل الاجتماعي فيس بوك: ” اشتريت زجاجات مياه نستله 1.5 من سوبر ماركت فى مدينة نصر و بفتحهم لقيت كلهم ريحتهم كلور بشعة زى ما يكونوا متعبيين من الحنفيه رحت اشتريت من ماركت تانى كبير من مكان تانى خالص بردو نفس الكلام

فتقريبا شركة نستله بتعبيلنا فشل كلوى فى ازايز لأن الله أعلم بيملوا المايه منين و احنا ندفع فلوس “.

وتابع :”المشكله أن فيه حد من عيلتنا بيتعب جامد من الماية العادية و الدكتور قالنا مايه معدنية أنضف و أحسن من الحنفيات .. سلاماااات يا أنصف ،ياريت تخلوا بالكم كويس و خصوصا كمان لو عندكم اطفال لأن بنت اختى بيبى و كلمتها ع طول بتعملها الببرونه منها علي أساس أنضف يعنى و فعلا البنت عندها اسهال ”

واضاف : “تقريباً من فترة قريت أن الدولة بتحقق مع مصنع ماية معدنية لان اكتشفوا أنهم بيملوا ماية من الحنفيه مش آبار .. و أنا قلت اكيد شركة صغير مش شركة كبيرة استحاله الله اعلم اى شركة ، وياريت الشركة ترد علينا”.

واختتم حديثه:” ياريت الدولة تتدخل لحماية الناس .. أنا هروح بالزجاجات اللى عندى أعمل شكوى فى حماية المستهلك، لأن أرواح الناس مش لعبة”.