سهير رمزي: أنا حرة في تصرفاتي اقلع الحجاب أو البسه.. ربنا هو اللي بيوزع الجنة والنار

ردت الفنانة سهير رمزي على الانتقادات التي توجهت لها بعد ظهورها بدون حجاب في حفل زفاف ابنة الإعلامية سهير جودة، مشيرة إلي أن ارتداء الحجاب أو التخلي عنه حرية شخصية.

وقالت سهير رمزي في تصريحات صحفية: أنا قالعة الحجاب بقالي 4 سنين؛ وعاملة مسلسل في رمضان اللي فات وظهرت بشعري وطلعت في برامج بشعري.. دي حدوتة قديمة أوي إزاي الناس بتتكلم فيها.. وأنا ولا لابسة عريان ولا سواريه وأنا بسمع الانتقادات وبضحك.

تابعت سهير رمزي:” نفسي الناس تفهم إن الكلمة والأخلاق حجاب، وإني مأذيش ولا أجرح حد حجاب ودا أهم من الطرحة، وكل واحد حر في الآخر لأن ربنا هو اللي بيوزع الجنة والنار”.

واضافت الفنانة سهير رمزي: وأنا حرة في تصرفاتي طالما لا أتعدى على حقوق الآخرين.. ومقدرش أحكم على الناس وأقول لهم يلبسوا إيه وياكلوا إيه؛ لأن الإنسان ربنا خلقه له عقل ومسئول عن تصرفاته.