حسام ميدو لـ إبراهيم سعيد:”كل من يحرضك على اثارة المشكلات مع مرتضى لن يفيدوك أو يقفوا بجوارك”

علق أحمد حسام ميدو لاعب الكرة المصرية السابق ، علي الأزمة بين المستشار مرتضى منصور رئيس نادي الزمالك،وإبراهيم سعيد لاعب نادي الاهلي والزمالك السابق

حي قال حسام ميدو خلال تصريحات تليفزيونية عن إبراهيم سعيد: “بحبه جدا فهو شخص طيب لكنه دخل في أزمة كبيرة مع الزمالك كنت رافضا لها”.

وأضاف: “أقول له بأن كل من يحرضك على اثارة المشكلات مع مرتضى لن يفيدوك أو يقفوا بجوارك بعد ذلك”.

ومن الجدير بالذكر أن كتب إبراهيم سعيد عبر صفحته الرسمية بموقع “تويتر”، لو إنت عندك قضيه ليا هاتطلعها يعني إنت غير أمين، وراجل لا تستحق إن الناس تأتمنك علي شغلها، نصيحة لكل الناس محدش لا يأتمن و لا يوكل الراجل ده في أي شغل أحسن فضاح لا يؤتمن، مش كده ولا إيه”.

وأضاف إبراهيم سعيد، “وكل شاب له أخطاء و لكن رحمة ربنا تسع كل شئ، وربنا غفور رحيم وأتعلمت من أخطائي، بفضل الله لأنه قابل التوبه هداني وعلي فكرة أنا ممكن برضه أقولك إن ليك عندي فضايح ونصايب وحكايات ليك ولعيالك ولا نسيت عموماً اللي إنت قولته ده مكانه القنوات الشرعية والنيابة لآنك إرتكبت جريمة وهاتتحاسب عليها”.

وفي وقت سابق، شن مرتضى منصور رئيس نادي الزمالك هجوماً عنيفاً على إبراهيم سعيد نجم الأهلي الأسبق، مطالباً إياه بعدم الحديث عنه مجدداً في وسائل الإعلام.

وقال مرتضى منصور في تصريحات تلفزيونية، “إبراهيم سعيد فجأة افتكر أنه أهلاوي، وبقى حامل لواء الدفاع عن النادي الأهلي ومحمود الخطيب، وأنا بقوله لم نفسك”.وأضاف مرتضى منصور، “إبراهيم سعيد كان عايز يشتغل في الجهاز الفني للفريق الكروي الأول بنادي الزمالك، وأنا قولتله ابتدي مشوارك معانا في قطاع الناشئين هي دي مشكلته”.وتابع مرتضى منصور، “إبراهيم سعيد نسي إني جيبته من الشارع وكان هيموت ويدرب الزمالك، وعندي تسجيلات مش عايز أطلعها علشان هيقعد ساعتها في البيت، فى الأول كنت زملكاوى ودلوقتى بقيت أهلاوي ، بقولك يا ابراهيم اهمد لاننا عندنا حاجات أهم منك دلوقتى، ومش فاضيين لك”.