” كانت بتحلم تشوفني عريس ماتت يوم فرحى”.. وفاة والدة عريس أثناء زفاف نجلها بالغربية

خيم الحزن على مدينة المحلة الكبرى بمحافظة الغربية عقب وفاة والدة عريس أثناء حفل زفافه، بعد معاناتها مع مرض مزمن استمر نحو 3 .

وشيع جثمان والدة العريس في مشهد جنائزي مهيب بالدموع والدعاء وسط انهيار من أسرة العروسين.

ورثى أحمد عبدالحكيم عريس المحلة والدته من خلال منشور له عبر صفحته الشخصية بـ فيس بوك قائلا: من 3 سنين فجأة قالتلي والدتي هخطبلك قولتلها يا ماما انا مش مستعد دلوقتي قالتلي لا وأصرت.

وأضاف عريس المحلة:عدت الأيام وتعبت وتعبها اشتد وفضلنا نعافر مع الأيام ونحارب الظروف وهي تقولي ( يلا اخلص بقا يا أحمد اتجوز عشان اتطمن عليك وأموت)، كنت بزعق وأقولها متقوليش كده عشان مكنتش متخيل ابدا انها ممكن تسيبني، أجلنا الفرح اكتر من مرة وهي تقولي اخلص بقا يا احمد قبل ما اموت.

وواصل عريس المحلة: بعد 3 سنين جه يوم الفرح اللي كانت بتحلم بيه، وبتحلم تشوفني عريس، تعبها اشتد يوم الفرح وفضلت اقولها انا مش هعمل الفرح وهفضل جنبك.

وأكمل فضلت أمي تعافر لآخر نفس فيها وتقولي روح البس بدلتك هتبقي عريس زي القمر وانا هبقي كويسة واجيلك، ولو لغيت الفرح مش هبقي كويسة، مرضتش ازعلها وروحت لبست، واتصورت ويدوب ملحقتش أوصل القاعة كانت راحت وسابتني.