شخص يشكو من خدمة شركة We:”الانترنت مقطوع دايما..ومابيعبروش أي حد “

تقدم شخص بشكوي من شركة Telecom Egypt أو we بسبب انقطاع الخدمة الدائم الي جانب أن الشركة لا تعطي إهتمام لهذا الشأن ،مشيرا الي أن الشركة لا ترد علي العملاء وتكتفي بالخدمة الصوتية

حيث كتب عبر موقع التواصل الاجتماعي فيس بوك ، قائلا : انا مش عارف شركة Telecom Egypt بتعاملنا ليه كده ومش محترمنا كعملاء..مش قادر استوعب أن يكون في عطل متكرر يشل الأنترنت في منطقة كاملة لمده ساعات وغالبا أيام.. ولما أكلم خدمة العملاء، ألاقي رسالة مسجلة تقول أن في تحديث!!! والخط يقفل ومايدنيش فرصة أني اتكلم مع موظف خدمة العملاء افهم منه إيه اللي فيحصل العطل ده بيتكرر بمعدل انقطاع حوالي ٣ – ٤ ايام كل أسبوعين ،وبقالنا حوالي شهرين بالوضع المؤسف ده”.

وتابع : “لأ والبجاحة تجيلي رسالة ان تم إيقاف الخدمة علشان ماجددتش الاشتراك في معاده… زمان أيام ما كان أسمها المصرية للاتصالات. لما حصل عطل طويل بشكل استثنائي (غير متكرر). من نفسهم أجلوا معاد التجديد بنفس عدد الايام الي انقطعت فيها الخدمة. وده أقل واجب إني مادفعش ثمن خدمة ماأخدتهاش!!! وكمان مش مستعنيين يردوا على العملاء يفهموهم إيه المشكلة ومتوقع تتحل امتى!”

واستكمل : فضلا عن أن كلمت “تحديث” دي بتنرفزني جدا. لأن اي تحديث بيحصل في أي نظام بيبقى مخطط.. بمعنى أنه معروف هيبدأ امتى وهينتهي امتى ،ولو فشل إيه هي الخطة او الخطط البديلة زي rollback مثلا بحيث انقطاع الخدمة downtime لا يخرج عن الاطار المخطط ليه ،وبيكون معلن قبلها ،ولو هيكون وقت قصير، بيتعمل .. بعيد عن وقت الذروة يعني مايجيش في عز النهار والناس كلها شغالة على النت ويقوم قاطع عليهم علشان في تحديث!! ماحبكتش دلوقتي!!! ، دي بديهيات والله بس هنقول ايه!!!

واضاف : الأعطال باقتي طبعا هي اللي بتكون غير مخطط لها، والمفروض برده يكون في شفافية. وقولولنا أن في عطل مش عيب والمفروض بيتم تحليل السبب المشكلة ووضع الحل المناسب في أسرع وقت.. ومحاولة إيجاد حلول مؤقته workaround لو الحل الساسي هيطول لتلافي انقطاع الخدمة لوقت طويل.

واختتم حديثه:احترمونا وخلوا عندكم شفافية وصراحة لأن صدقوني لو بتريحوا نفسكم من صداع الشكاوى..هتفقدوا عملاء كتير وغالبا انا أولهم.. وي مابتعبريش أي حد