حرص الفنان تامر حسني على توجيه بعض النصائح لمحبيه خاصة الذين يشعرون باليأس والإحباط ، وذلك عبر حسابه الرسمي على موقع التواصل الاجتماعي فيسبوك.
حيث كتب تامر حسني في منشور جديد له:” قرأت معظم التعليقات على قد ما قدرت على آخر بوست ليا اللي تحت ده، وفهمت أكتر حاجتين من تعليقاتهم عاملين إحباط لمعظمكم، هما اليأس من النجاح و إحباط المقربين.
وأضاف: وبعضكم واصل لفقدان الأمل والشغف وبعضكم فاقد الأمل في الحياة نفسها، هطلب طلب منكم الأول افتكروا معاناتي في بدايتي وظروفي الصعبة من غير أب ومن غير أي فلوس وبنزل أشتغل في الشوارع من عامل بنزينه لسوبر ماركت لفاعل، يعني اللي بيبنوا العمارات بطلع طوب وأسمنت، عشان أرجع بيتي لأمي الغلبانة بأي خمسة جنيه، بالإضافة لمرتب النادي لما كنت بلعب كورة، وكان مرتبي 22 جنيه في الشهر منهم بقى تحويشة المياه والكهرباء وعمليات أخويا، عشان كان عيان لفترة طويلة، كنت بعمل المستحيل فعلًا عشان أمي وأخويا وعشان أوصل لهدفي.
وأكمل تامر حسني: كان دائما جوايا سعي لطريقين الكورة والغناء، وبقول ده عشان ناس كتير عايز أنصحها بالخطة البديلة، عشان لو الحلم مجاش يكون في غيره زي ما أنا كان نفسي أبقى لاعب كورة، والكورة مش ليا، والأندية كلها مشوني، رغم تفوقي كنت بسأل نفسي ليه الأبواب كلها بتتقفل في وشي أتاريها بتتقفل عشان توجهني لمسار آخر، ولما آمنت بكده فهمت قدام أن ربنا كان شايلي الأحسن ليا بس ساعتها مكنتش فاهم.
وتابع: اللي بيسأل نفسه دلوقتي يعني أنا أكمل في حلمي ولا أشوف حلم تاني، هقول له دايمًا أطلب من ربنا يساعدك هتلاقي علامات بتجيلك بس الشاطر اللي يفهمها، علامات هتأكد لك تكمل أو لا بس اجتهد واتعب عشان المجهود ده لي كرم متحوشلك في مجالك التاني واوعى تقول أنا تعبت على الفاضي.
وأضاف تامر حسني: بالنسبة للمحبطين هيفضلوا موجودين أنت اللي بتسمعلهم وأنت اللي بتسمح أنك تتأثر بيهم امنع ده نهائيا، متبقاش السبب في أذية نفسك متتشدش غير لكل جميل ولكل إيجابي هتلاقي كل الحلو بيجيلك ومتعملش العكس عشان هيجيلك برضو.
واختتم حسني كلامه قائلا:” قول يارب واجتهد وافهم أن الراحة المطلقة في الجنة بس، وإحنا على الأرض، وربنا قال أنه خلقنا في كبد يعني شقاء عشان يكون عندنا تحدي نكسبه ولازم نكسبه، عشان كتير قبلينا كانت ظروفهم أصعب ووصلوا يبقى الموضوع فينا، متبقاش أكبر عدو لنفسك، خد قرار صارم في التغير والنهوض والنجاح، و هتوصل والله .
جدير بالذكر أن احدث أعمال تامر حسني الغنائية هو كليب “عشأنجي” الذي طرحه مؤخرا وحقق نجاحا واسعا ونال إعجال جمهوره ومحبيه.
كليب عشأنجي من إخراج النجم تامر حسني، و من كلمات حمادة السيد، وألحان
Discussion about this post