“الفن مش بالعافية ومش بالعياط”..هاني شاكر يوجه رسالة الي حمو بيكا

وجه الفنان ونقيب المهن الموسيقية هانى شاكر ، رسالة الي مؤدي المهرجانات حمو بيكا بعد مطالبته بالحصول على تصريح للغناء في مصر.

وقال هاني شاكر، مساء أمس الأربعاء ،خلال حواره مع الإعلامية إنجي أنور مقدمة برنامج “مصر جديدة”، الذي يبث على قناة ETC ، : “اللي اتعمل مع حمو بيكا متعملش مع أي حد ولا شاكوش ولا عمر كمال ..جبناله مدرس مخصوص عشان مخارج الألفاظ وعشان يغنى صح وراح مرة واحدة”.

وتابع هاني شاكر: “وتراجعت عن تنفيذ حكم بحبس حمو بيكا، لمدة عامين، وكتر خيرك دعيت عليا خلال شهر رمضان وأنا عمري ما أذيتك”.

واضاف هانى شاكر: “هو طيب وأنا حقيقى بحبه.. بس الفن مش بالعافية ومش بالعياط ..تاريخ حمو بيكا واغانيه فى البداية شئ مخذل وكلنا بنتبرأ منها وجتلك فرصة مرة واتنين والمرتين سقطت “.

وأختتم هانى شاكر حديثه ، قائلا :”ولو احنا فى بينا وبينك حاجة كنا نفذنا حكم الحبس وانا أعضاء المجلس بنراعى ربنا ومش بنحط حد فى دماغنا “.