حمو بيكا يرد على منتقديه بسبب عدم تعليمه: «الكمال لله وحده.. وبجيب قرايبي يكتبولي»

رد حمو بيكا مطرب المهرجانات على الانتقادات التي تلاحقه بسبب عدم استكمال تعليمه، عبر صفحته على موقع التواصل الاجتماعي، واتهموه بعدم تعيين اشخاص للكتابه له على صفحته، وعلي التوجه لمكتب “محو الأمية”.

ونشر حمو بيكا عبر حسابه بموقع التواصل الاجتماعي “فيس بوك”: “طب وايه يعني عندي اخواتي وقرايبي بيقرولي وبيكتبولي اللي انا عايزه؟.

مضيفاً:” ببساطة محدش فينا اتولد عارف كل حاجة ! كلنا كنا مغيبين عن كل حاجة وكلنا جهلة الدكتور جاهل عن المحاماه والمحامي جاهل عن المحاسبة والمحاسب جاهل عن المهندس (الكمال لله وحده) – محدش كامل”.

وتابع “بيكا” قائلاً:” “وزي ما قولت انا منولتش شرف التعليم بس اتعلمت ازاي اشتغل واشيل مسؤلية.. أنا اتعلمت ازاي اشقي من صغري ومقولش لحد اديني زي ما انا اتعلمت حاجات كتير جداً في الحياة انت يا متعلم هتفضل جاهل بيها فإن حد يكتبلي او يقرالي .. دي حاجة متخصش حد في الدنيا صباحكم فل وجمعه مباركة عليكم جميعاً”.

بعد حمو بيكا.. حسن شاكوش يحيى حفلاً بالساحل الشمالى للنساء فقط

وجارت تعليقات جمهور السوشيال ميديا بين مؤيد لما كتبه، وبين معارض لما يقوم به، وطالبوه بعدم الوقوف عائق والتوجه لمكتب محو الامية لتعلم القراءة والكتابة.

وكتب محمد عبد الباسط الصايغ:” بجد انت حد كويس بس متخليش حد يستفزك تقوم تغلط ويتمسك عليك الكلام أنا معاك اننا فيه أمور كلنا نجهل بعضها وياما بجد والله العظيم فيه ناس نالت أعلى درجات التعليم بس جاهلة جدا فى أمور هايفة … ربنا يكرمك انت مجتهد”.

وكتب أحمد المقدم:” بص انا يمكن اول مرة اصلا اعلق عندك و ان شاء الله اخر مرة، الدكتور فعلا مايعرفش اللي يعرفه المهندس ده امر طبيعي كل واحد و ليه اختصاصه، انما عمرك شفت مدرس بيشتغل دكتور ما ينفعش هيقتل المريض لانه مالوش فيها، ده بقى بالظبط اللي انت بتعمله مالكش في الغنا اساسا و بتغني طيب بالله عليك ينفع.

وعلق مصطفي عاطف:” اكيد عندك حق بس انت بالفعل نزلت نفس الكلام امبارح و الناس اتفاعلت عليه بشكل كويس ممكن بدل ما تنزله تاني ، ممكن تاخد خطوة انك تتعلم فيها ايه؟ و لو انت اتظلمت في التعليم في لسه امامك فرص كبيرة انك تتعلم.