حققت أغنية النجم تامر حسني “بحبك”، والتي تم تصويرها مع الفنانة حلا شيحة، كبيراً رغم اعتراضها على طرحها، وتسببت في خلاف كبير أثارته “حلا” بسبب مشاهد الأحضان التي كانت بينها، وبين الفنان تامر حسني.
وتخطت الأغنية عدد مشاهدات الكليب إلى يزيد عن 4 مليون ونصف مشاهدة عبر قناة تامر حسني الرسمية على قناة موقع الفيديوهات الشهير “يوتيوب”، منذ طرحها من 3 أيام فقط.
أغنية “بجبك” من كلمات محمد محسن وألحان محمد سراج وتوزيع توما، وتم تسجيلها في استوديو “TH production”، وإنتاج حسام حسني، وإخراج سارة وفيق.
حلا شيحة تهاجم تامر حسني :”مش أنا عيطت لما شفت مشاهدي بتحضن”
ونشرت حلا شيحة عبر صفحتها علي انستجرام قائلة: “أنا اتفاجئت جدا بنزول كليب يجمع فيه مشاهد متفرقة من الفيلم و خصوصا بعد آخر بوست نزلته و وضحت فيه أنا إيه ..و اتفاجئت أكتر خصوصا بعد وعد تامر حسني ليا وتأكيده إنه حیحترم رغبتي و بعض الطلبات اللي طلبتها منه بكل احترام وود الصيف اللي فات وأکدلي إنه حيحترم رغبتي”.
وتابعت حلا شيحة: “إحنا يمكن نجحنا بمقاييس الدنيا بس صدقوني بمقايیس ربنا احنا لم ولن ننجح انا عارفة ومتأكدة إن زملائي جواهم خير بس للاسف فتنة الشهرة و النجاح مش بتخلينا نشوف ونقيس الامور صح بتكلم من قلبي الكليب ده ميرضيش ربنا و انا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان إحنا بشر بس المصيبة اننا بنغفل وننسى”.
حلا شيحة تؤكد:”انا تبت من المشاهد دي”
وأشارت حلا شيحة : “انا مش حتكسف من حد انا تبت من المشاهد دي و هي و هي لا تصح و انا غلطت و بصلح و اهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فن”.
وأختتمت :”احنا كلنا عندنا امتحان في الدنيا دي و حابة أفكرك بالفيديو ده یا تامر اللي قولت فيه انا مش بتمني أموت وأنا مطرب أنا دايما خايف کده.. كلام أكيد قولته في لحظة صدق جواك و جوانا كلنا ، شوفه تاني يمكن يفكرك إن جواك أكيد في صراع وأنا وكلنا بنغلط بس المهم في الآخر نتدارك الغلط و نصلح .{إلا من تاب و امن عمل عملا صلحا أوللېك يبدل الله سيئاتهم حسن وكان الله غفورا رحيما.. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد”.
أول رد من نقابة المهن التمثيلية على واقعة الفنانة حلا شيحة
منة فضالي: حلا شيحة تسرعت في قرار الحجاب
خالد سرحان لـ«حلا شيحة»: رجعي الفلوس والفلل اللي كسبتيها من الفن طالما حرام
Discussion about this post