نرمين الفقي تكشف مواصفات شريك الحياة.. تعرف عليها

قالت الفنانة نرمين الفقي أن بعد غيابها لفترة طويلة عادت في السباق الرمضاني السابق بعملين هما النمر وضل راجل مؤكدة أن العملين قريبين لقلبها كاشفة أن شخصية شمس في مسلسل ” النمر ” عرض عليها قبل دورها في ضل راجل قائلة : ” حسيت إن شخصية “شمس ” في مسلسل النمربعيدة عن شخصيتي الحقيقية وعن أدائي حتى صوتي المطلوب فيها مختلف .. كنت وقتها مرعوبة لاني عمري ماعملت دور زي ده بس تحديت بيه وقلت لازم أعمل الدور ده “.
تابعت في لقاء خلال برنامج ” كلمة أخيرة ” الذي تقدمه الاعلامية لميس الحديدي على شاشة ” ON”قائلة : ” بالنسبة” لضل راجل في شخصية ” هدى ” ودوري فيه من قبل ماأبدأ فيه واثناء القراءة كنت بعد أعيط وأنا بقرأه لانه بيمس قلبي وكان قريب أوي مني “.
أتمت : الدورين متناقضين ومتضادين لكنهما قريبان من قلبي رغم الاختلاف في طبيعة الدورين “.
وكشفت ان دورها في مسلسل النمر أخذ صيتاً كبيراً في الشارع لدرجة أن الناس في الشارع كانوا بينادوا عليا ويقولوا يا” شمس “قائلة : ” كانت طبقة معينة هيا الي تعلقت بدور شمس في ” النمر ” ونادوا عليا في الشارع بالاسم لكن في المقابل كان دور ” هدى ” في ضل راجل له أيضاً صيت في شرائح معينة من الشارع كانوا يقابلوني ويقولوا ” قطعتي قلبنا ” .
لكنها أكدت أن دورها في شخصية ” شمس ” احدث ضجة أكبر في الشارع وهذا قد يعود لانها شخصية جديدة ”
وقالت الفنانة نرمين الفقي ان فترة غيابها عن الساحة الفنية لم يكن بإرادتها كون ذلك حدث بسبب عدة ظروف أولها مرض والدتها وتزامن مع ذلك إقتراب أحداث الثورة وتفضيلها للانتقال من منزلها لتكون أقرب لعائلتها في ذلك الوقت بالاضافة لعد عرض أعمال قوية عليها في تلك الفترة ”

وتابعت : ” فضلت أفضل جنبها لاني بنتها الوحيدة وملهاش غيري ولما توفت عدت بشكل قوي مع الاستاذ الكبير القدير الراحل محمود عبد العزيز في جبل الحلال وهو كان ” غول تمثيل ” كنت المفروض في البداية أطلع ” ضيفة شرف ” ووافقت بدون تفكير وقلت للاستاذ محمود أنا كفاية إني أعدي قدام كاميرا معاك وكنت لازم اشتغل معاه في كل الاحوال ودي أساسيات ”
اكملت ك لما الدور كبر وأخد مساحة أكبر فرحت جداً وعجبتني الشخصية لانها كانت مهمة وأساسية في الرواية ونجحت في العمل جداً ”
مشددة على أنه في أعقاب ” جبل حلال ” تخيلت أنه سيعرض عليها أدوار أكبر وافضل قائلة : ” للاسف بعد ” جبل الحلال توقعت الدنيا هتبقى لطيفة لقيت الاعمال الي بتتعرض عليا ماينفعش أشتغلها ..عشان كده الناس حبتني لما رجعت في رمضان في النمر و” ضل راجل ” لاني حافظت على رصيد من الفن المحترم ”
مرجعة أسببا رفضها لتلك الادوار أنها كانت تؤدي لتراجع مكاننها قائلة : ” ماينفعش بعد مأاعمل أدوار كويسة انزل واتراجع للخلف “.

وأكدت الفنانة نرمين الفقي أنها لم تقلق اثناء فترة غيابها من أن يناسها الجمهور مبررة ذلك أنها حاولت طيلة فترة الغياب إنتقاء الادوار المناسبة إحتراماً لجمهورها ورصيد الفني المتميز في قلوبهم قائلة : ” والله ماقلقت يناسني الناس .. وكنت بشوف اثناء تواجدي في أي مهرجان أن مكانتي ” محفوظة ” حتى لو لما جيت أعمل ابو العروسة المنتج تخيل أني مش هوافق ..لكني لما بدات أقرا قلت ” ليه لا ” ليه مكنش موجودة في ” بوكيه ” الورد الحلو ده “.
وتابعت : ” الحمد لله نجح وبقيت تريند وكل واحد من النجوم نجح في منطقته وكنا مفتقدين النوعية دي من الاعمال الي بتمس كل بيت فينا “.
كاشفة أنها في أعقاب دورها في ” جبل الحلال ” غابت لمدة عامين ونصف قبل عودتها في مسلسل ” ابو العروسة ” واصفة فترة الغياب بالقاسية قائلة : قاسيين جداً لان التواجد والنجاح بيجب نجاح وراه والقعدة بتجيب قعدة ..لكن أنا عندما قررت وقتها الغياب ماخدتش بالمثل ده في قراري لان وقتها كنت هعيط في البيت ورا الكاميرا “.

ورداً على سؤال الاعلامية لميس الحديدي هل كانت تبكي وقت غيابها قالت : ساعات فعلاً كنت بعيط كنت بحس بالحزن وكنت بقول لنفسي ليه ؟ بس كان في نفس الوقت عندي يقين أن الافضل جاي ”
كاشفة أن أهم ماتسبب في وجعها هو أنها إعتادت على التواجد لاسيما في الموسم الرمضاني والذي يحتل مكانة خاصة لديها قائلة : ” كنت بحس بالحزن اكثر في السباق الرمضاني خاصة لما كنت بشوف اجيال سبقاني أو قدي أو فروق حاجة بسيطة متواجدة وأنا قاعدة في البيت كنت حاسة إن فيه حاجة مش مظبوطه ومكنتش عارفة إيه السبب لحد ماربنا كرمني في رمضان 2021 ”

وكشفت الفنانة نرمين الفقي أنها لم تقلق أبدأ أن من تاخرها في الزواج حتى الان مشيرة إلى أن والدتها كانت تتمنى رؤية أولادها لكنها في ذات الوقت كانت حريصة على فكرة الانتقاء قائلة : ” قد ماما ماكنت عاوزة تشوف ولادي لكن في ذات الوقت كان عندها مشكلة بسبب تجربتها مع ” الانفصال ” فاكنت طول الوقت تفصص العريس من باب خوفها عليا زيادة عن اللزوم “.

وتابعت : “خوف الام كان زيادة ورغم ذلك كان نفسها تشوفني مرتبطة وعندي حياة لكن في نفس الوقت كانت بتخاف عليا جداً “.
ورداً على سؤال الاعلامية لميس الحديدي عن أغرب عريس تقدم لها قالت :” ماعنديش حالة معينة ..لان جالي ناس كتير وعرسان كتير لكن مش فاكرة حد ” غريب ” “.
وحول سؤال الحديدي حول عنصر المال وأهميته في إختيار الزوج قالت : الفلوس مهمة في حتة معينة في حياتنا إحنا بنشتغل عشان نصرف على نفسنا ونجيب لبس كويس وتغير عربياتنا .. رغم أني لاأقدم على تغيير سيارتي إلا كل 11 أو 12 عام ولكن الحمد لله غيرتها السنة دي بعد ماربنا كرمني وإشتغلت .. أنا عندي صبر ”
أتمت : أمي دائماً كانت بتنصحني في إختياري للاعمال وتقلي بصي على العمل الكويس وماتبصيش للمادة وأنا لو كنت حاطة الفلوس في دماغي كنت زماني إتجوزت مليارديرات “.

واصلت : ” كان ممكن أعمل كده بس أنا عاوزة أفضل إمرأة زوجة طبيعية صحيح الفلوس مهمة في حياتنا ومش هقول عاوز أتجوز راجل في نفس مستوايا ممكن يكون أققل لكن يكون عنده مميزات تخليني كإمرأة موافقة وكعيلة راضية عليه “.

وعن أهم المعايير التي لايمكنها التنازل عنها في إختيارها للرجل قالت : لازم يكون نفس المستوى الثقافي والاسري وماكينش ” صليط اللسان ” أو يكون قليل الادب يكون حنين وطيب ورجل بمعنى الكلمة لازم يكون راجل ”
إستطردت : بخلاف هذه المعايير لايمكن أن افكر في الارتباط ومش عاوزاه .. ومش خايفة من الزمن ولا الوحدة لان ممكن الاختيار الغلط هو الي يتعبني ويأذيني ويكبرني في السن لان الحب رزق “.

نفت الفنانة نرمين الفقي إقدامها على إجراء أية جراحات تجميل قائلة : ” عمري ماعملت خالص حواجبي بس كانت تقيلة زمان ”

وتابعت : ” أنا لست ضد التجميل لكن ضد المبالغة والعبث في الجبهة حتى لو قالوا فيها تجاعيد إزاي همثل ووشي متحجر ؟!حاجات كتيرة أوي ماينفعش تحصل ”
لكنها عادت وقالت : ” فيه حاجات تجميل كتيرة ممكن تبقى مهمة زي واحدة تعرضت لحادثة وتسبب لها في مشكلة أو أن أنف احدهم بها مشكلة هناك اشياء تستدعي إجراء التجميل لكني أرفض المبالغة وإننا كلنا نبقى شبه بعض ”
إستطردت : ” الراجل دلوقتي مش بيحب الست ” الفيك ” وده حقيقي لما بسمع اصدقائي في إنتقادهم لست مثلاً يقولوا دي عاملة كام عملية أو مكبرة ومصغرة لكن أحلى حاجة الطبيعية وأن الانسان لازم يرضى بالي ربنا كاتبهوله “.
وحول شراهة الجيل الجديد في التجميل قالت : مشفتش ده بس ممكن أشوف واحدة حلوة أوي وكيوت والاقيها عملت حاجة وبوظت شكلها ببقى نفسي أققلها ليه عملتي كده وإنتي زي القمر .. عشان إيه ؟