مستشفي ساحل سليم فين ؟ تريند يتصدر أسيوط .. تعرف علي التفاصيل

تداول رواد مواقع التواصل الاجتماعي . فيس بوك .. خلال اليومين الماضيين موضوع هدم مستشفي ساحل سليم المركزي وعدم إعادة بنائها مرة أخري لتخدم أهالي المركز وأنهم لايجدون مستشفي للعلاج .
وأكدوا علي معاناتهم من عدم توافر الرعاية الطبية وناشدوا المسؤولين لتوفير مستشفي للمركز لحاجة الأهالي لها .
وفي تصريحات خاصة لموقع عين مصر قال أحد الاهالي ويدعي عزت عقل : المستشفي اساسا كانت تحفه معماريه والمباني صحيه فوق ما تتخيل ومنهم مبني كان لسه جديد اساسا واتهدم من 2017ومحدش سال فينا بعد كده قالو تم وضع ميزانيه ليه وبرضو محدش عارف فين الميزانية دي و ليه تم الهدم ولية لم يتم البناء حتي الآن والموطن الفقير اتبهدل اقل خدش بسيط يقولك تحويل علي القصر عاوزين حقنا في حياه كريمه. علي حد قولة .
بينما قال مصطفي حمودة : المستشفى اتهدمت من حوالي 4سنين وكانت مبنى جميل يحمل الطراز القديم وبه جنينه وأشجار وجو صحي جدا وكانت شغاله كما ينبغي وفي حدود الامكانيات المتاحه..  المهم كانت بتخدم المركز وكمان مركز البداري معانا ودورها بيتم  علي اكمل وجه.. الي حصل انهم وضعو ميزانيه لبناء مستشفى جديده. هدمو المستشفى القديمه ال كانت بتخدمنا وتقدر تخدمنا كمان ١٠٠ سنه جايه هدموها واصبحت ارض فضاء ولم يتم بناء غيرها ولا اي شيء وسابو المركز يتبهدل ف أسيوط والقصر العيني لينا ٤ سنين ع الوضع ده.. فين المستشفى فين الميزانيه فين المستشفى القديمه فين اي حاجة .
وطالب الأهالي وزيرة الصحة باعتماد الميزانية الخاصة بالمستشفي لحاجة الأهالي الشديدة لها لانها تخدم مركز بأكملة..