كشف الفنان إسلام إبراهيم، عن مصير الجزء الثاني من مسلسل “أعلى نسبة مشاهدة” بطولة سلمى أبو ضيف، الذي تم عرض الجزء الأول منه في موسم رمضان الماضي وحقق نجاحًا كبيرًا.

وقال “إبراهيم” خلال لقاءه في برنامج الراديو بيضحك: “ياسمين أحمد كامل المخرجة طلعت بفكرة مرعبة في الجزء الثاني، لإن فعلا مصايب السوشيال ميديا مبتخلصش”.

وأضاف “إبراهيم”: “إحنا كل يوم بنصحى على كارثة واللي معتقد أن ده السقف لا طبعًا..  إحنا لسه في أول دور، وكلنا قلنا آه فعلًا ولو حصل كده هتبقى جامدة جدًا، فجأة المؤلفة قالت أنا مش متحمسة، شركة الإنتاج كانت متحمسة، ياسمين كانت متحمسة قوي، وإحنا كممثلين كنا متحمسين قوي، لإن اللي قالته ياسمين هيودي الشخصيات كلها في حته تانية خالص حاجة مرعبة”.

مسلسل أعلى نسبة مشاهدة الجزء الثاني

وتابع: “وبعد كده الموضوع نام شوية، هيتعمل مش هيتعمل مش عارف، وأنا متحمس للفكرة اللي قالتها ياسمين قوي ولو سمعاني دلوقتي بقولها لازم تعملي جزء ثاني، ومبسوط من نجاح الجزء الأول من المسلسل”.

وعن نجاح المسلسل، أكد: “الناس وعيها بقى كبير وبقت بتفهم وبتجري ورا الحاجة الحلوة بصرف النظر عن المسميات، الناس بقت عايزة موضوع كويس، وأحداث معمولة، إخراج كويس وتمثيل كويس، وبقوا يحكموا على الحاجة من جودتها، وشافوا عمل جيد قدامهم وبقيت مبسوط أن الناس بقت بتفهم الممثل المجتهد من اللي مش مجتهد”.